Jordana

Jordana (en francés Jordanne) es una ribiè(i)ra^{[Nòta 1]} del Massís Central que raja dins lo departament de Cantal. Es, ame Autra, un dels dos pus importants afluents de Sera, e un sosafluent de Dordonha.

Jordana
Jordana a Orlhac
Jordanne.png
Caracteristicas
Longor	40,6 km
Bacin	293 km2 [1]
Bacin collector	la Dordonha
Debit mejan	4,39 m3⋅s-1 (Orlhac) [2]
Regim	nivopluvial
Riu
Font	pendas sud dau puèi de Pèire Arsa (1 806 m)
· Localizacion	Mandalha e Sant Julian
· Altitud	1 665 m
· Coordenadas	45° 06′ 29″ N, 2° 42′ 42″ E
Confluéncia	la Sera
· Localizacion	Arpajon
· Altitud	586 m
· Coordenadas	44° 53′ 37″ N, 2° 26′ 45″ E
Geografia
Païses traversats	Occitània,  França
Regions traversadas	Auvèrnhe Ròse Aups
Vilas principalas	Orlhac
Fonts : SANDRE:P17-0400, Géoportail, Banque Hydro

Geografia

Lo naut de la vau de Jordana devèrs Mandalha.

De 40,6 km de longor^[1], Jordana a sa font sus la comuna de Mandalha e Sant Julian, a 1 665 mètres d'altitud pendas sud dau puèi de Pèire Arsa (1 806 m), puèi raja devèrs lo sud-oèst dins la meteissa direccion que la val de la Sera, e après aver percorut una quarantena de quilomètres, rejonh Cèra en riba drecha a Arpajon.

La val comença pel circ de Mandalhas dominat circularament pel Puèi Chava Ròcha, lo Puèi Marin, lo Puèi de Pèira Arsa e lo Puèi de Batalhosa.

Toponimia

Las fòrmas ancianas son Aqua de Jordana en 1298; Jordeianes en 1453; Riparia Jordanix en 1500; Jourdana en 1529; Jourdaine en 1598; Jourdane en 1610^[3].