Josep Tarradellas

Josep Tarradellas i Joan (nascut: José Tarradellas y Joan; Cervelló, 19 de genièr de 1899 – Barcelona, 10 de mai de 1988), I marqués de Tarradellas,^[1] foguèt un politician catalan, president de la Generalitat de Catalonha a l'exili durant la dictatura franqusita de 1954 a 1977,^[2] puèi fins a la restauracion d'aquela institucion en 1980.

Retrait de Josep Tarradellas i Joan, marqués de Tarradellas

Biografia

En 1931, Josep Tarradellas venguèt secretari general d'Esquèrra Republicana de Catalonha (ERC). Foguèt tanplan deputat a las Corts Generalas, conselhièr de Governança e Salut quand Francesc Macià foguèt president de la Generalitat de Catalonha, aital coma conselhièr dels Servicis Publics, Economia e Cultura pendent la Guèrra Civila Espanhòla.

S'exilèt en França en 1939, ont succediguèt al president demissionari Josep Irla, en 1954.^[3]

Citacions celèbras

• «Ciutadans de Catalunya, ja soc aquí» («Ciutadans de Catalonha, ja soi aquí»).^[4]

• «La meva primera idea nacionalista potser venia de Masaryk, el primer president de la República txecoslovaca, que es pot considerar com el pare de les nacionalitats.» («Ma primièra idèa nacionalista podriá venir de Masaryk, lo primièr president de la Republica chècoslovaca, que se pòt considerar coma lo paire de las nacionalitats»).^[5]

Bibliografia

• Martí Vallverdú, Pep (2010). Josep Tarradellas, 1899-1988 (PDF). Barcelona: Fundació Josep Irla (Biblioteca de l'Esquerra Nacional). ISBN 9788461389988 [Consulta: 6 de març de 2012].