Julhac (Gers)

Julhac^{[1][2][3],[4],[5],[6]} (Juillac en francés) qu'ei ua comuna occitana de Gasconha, situada administrativament dens lo departament de Gers e la region d'Occitània, ancianament de Mieidia-Pirenèus.

Pels articles omonims, vejatz Julhac.

Vilatge d'Occitània

Julhac Juillac
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Geografia fisica
Coordenadas	43° 32′ 38″ N, 0° 07′ 41″ E
Superfícia	7,49 km²
Altituds  · Maximala  · Mejana  · Minimala	226 m 150 m 136 m
Geografia politica
País	Gasconha
Estat	França
Region 76	Occitània
Departament 32	Gers
Arrondiment 323	Miranda
Canton 3214	Pardiac-Ribèra Baisha (Marciac abans 2015)
Intercom 243200508	CC de Bastidas e Vaths de Gers
Cònsol	Hélène de Resseguier (2020-2026)
Geografia umana
Populacion Populacion totala (2018)	118 ab. Evolucion de la populacion 120 ab.
Densitat	16,56 ab./km²
Autras informacions
Còde postal	32230
Còde INSEE	32164

Geografia

Aquesta seccion es voida, pas pro detalhada o incompleta. Vòstra ajuda es benvenguda !

Que sembla que i aja pas, o pas mei, de lòc nomentat Julhac. La maison comuna es a Gaillet (en francés, donc probablament Galhet), en un lòc meilèu planèr. Ua glèisa modèrna qu'ei un chic mei au sud, près de Coaille (en francés) : mès ei pas lo lòc on èra Julhac, adara coneishut devath lo nom de La Sèrra e qui guarda sonque lo cementèri, au bòrn d'un camin mei a l'oèst en bona partida desafectat, parallèle a la RD 255 e installat sus, justament, ua sèrra qui domina Arròs. Énter Coaille e La Sèrra, un toponime qu'ei interessant, Las Muralhas. Au sud de la comuna, que i a un lòc desabitat, Andenac, anciana parròpia; lo camin que n'avèm parlat qu'i mia, haut o baish; sus la tuca d'Andenac, que i a adara ua pilòna de telefòne mobile ^[7]. La populacion que's concentra mei que mei a l'entorn de la RD 255, qui ven de Marciac, e sus un aute camin parallèle a l'èst, mès n'èra benlèu pas atau au sègle XVIII e en tot cas los ancians centres, Julhac e Andenac, qu'èran sus la sèrra. Au cap d'aqueth camin e de la sèrra, en direccion deu nòrd-nòrd-èst, que i a un castèth.

Comunas a l'entorn.

Perimètre deu territòri

Comunas confrontantas de Julhac

La Devesa Ribèra	Bèumarchés
		Tordun
Armentiu	Marciac

Toponimia

Julhac qu'ei atestat en 1195 in Juliacensi archidiaconatu. Lo nom de Julhac que ven deu nom latin d'òme Julius e deu sufixe -acu(m)^[8],[9], qui ei lo sufixe gallic *acon latinizat. Julhac qu'èra donc probablament ua anciana grana proprietat antica qui avè per mèste Julius.

• Andenac. Se lo nom ei Andenac, lo grope -nd- que's seré redusit a -n-; o benlhèu que's conservè per dissimilacion (per evitar la succession *ANeNac); mes justament -n- que's seré devut amudir (per ua -n- simpla, precision necessària), donc la question ven mauagida, enqüèra mei tant que coneishem pas la prononciacion vertadèra. Lo sufixe -ācon qui sièc normalament un nom d'òme qu'es la marca d'ua anciana grana proprietat galloromana o galla. Segon Xavier Delamarre, l'etime que seré andenācon, la proprietat d'Andenos (d'après lo nom d'òme Andenius, atestat); Andenos qu'es derivat en -ācon^[10]. Que cau estar conscient de la fragilitat d'aqueras especulacions d'un autor benlèu pas clarament avisat de la fonetica gascona. Lo cadastre de Julhac, qui data de 1837, que muisha sonque ua “église d'Andinac” (archius departamentaus de Gers). Andenac qu'avèva totun 178 abitants en 1821 (recensament).

Istòria

Julhac qu'èra parròpia annèxa a la fin de l'Ancian Regime. Lo vilatge de Julhac o en tot cas la soa glèisa, qu'èra, çò sembla, non pas aquí on ei adara, mès sus ua sèrra (véser la partida geografia). Meis au sud de l'actuau territòri comunau que i avè ua parròpia de plen exercici nomentada Andenac, en un lòc qui ei adara completament despoblat e shens glèisa ^[11] e qui, probable, èra plan petit (la mapa d'Estat-Major que i mòstra pas d'aglomeracion ^[12]), benlèu sonque la glèisa. Andenac qu'estó comuna, mes que l'annexèn a Julhac en 1822.

Administracion

Lista deus cònsols successius

Periòde		Identitat	Etiqueta	Qualitat
març de 2001	2026	Hélène de Resseguier	divèrs dreta	agricultritz
	2001
Totas las donadas non son pas encara conegudas.

• Avant la refòrma cantonala de 2014, aplicada en 2015, la comuna qu'èra deu canton de Marciac; qu'ei adara deu canton de Pardiac-Ribèra Baisha.

Demografia

modificar « persona »  v · d · m  Evolucion demografica Populacion comunala actuala (2013): 124, totala:
1793	1800	1806	1821	1831	1836	1841	1846	1851
298	301	315	292	380		426	400	363
1856	1861	1866	1872	1876	1881	1886	1891	1896
356	359	354	358	340	331	336	313	291
1901	1906	1911	1921	1926	1931	1936	1946	1954
262	245	235	215	207	183	175	171	145
1962	1968	1975	1982	1990	1999	2006	2007	2008
149	130	119	139	134	121	111	115	119 123
2009	2010
123 127	126 130
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion qu'èra de 118 abitants e la densitat qu'èra de 15,75 ab/km².

Demografia Andenac o Audenac

modificar « persona »  v · d · m  Evolucion demografica Populacion comunala actuala (2013): 124, totala:
1793	1800	1806	1821	1831	1836	1841	1846	1851
134	131	168	178				-	-
1962	1968	1975	1982	1990	1999	2006	2007	2008
				Cercar	Cercar	111	115	119 123
2009	2010
123 127	126 130
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• Las donadas de la dreta deu grafic, plaçadas automaticament, que son las de la comuna entièra

Lòcs e monuments

Personalitats ligadas dab la comuna

Véser tanben

Ligams extèrnes

• Julhac suu site de l'Insee