Katana

Lo katana es un sabre japonés corbe de mai de 60 cm qu'es vengut lo simbòl de la casta dei samurais. La màger part dei modèls avián una longor de 60 a 80 cm e un pes de 1,1 a 1,5 kg. Èran manejats amb lei doas mans, mai certanei tecnicas permetián una utilizacion amb una man.

Katana de tipe shinken.

Son aparicion es sovent datada dau sègle XIV a partir de l'evolucion de sabres preexistents. Lei katanas demorèron utilizats sus lo prat batalhier fins au sègle XVII^[1]. Foguèron tanben exportats vèrs lo continent. Au sègle XVIII, venguèron d'armas d'aparat qu'èran plus adaptadas a un combat lòng. Amb lei reformas successivas de la societat japonesa e l'enebiment ai roturiers de portar d'armas de mai de 60 cm, venguèron l'apanatge de la noblesa de l'archipèla. En particular, foguèron integrats a l'entraïnament tradicionau dei samorais.

Après la dissolucion d'aquela casta, lei katanas demorèron un simbòl de la cultura japonesa.

Liames intèrnes

• Sabre japonés.

Bibliografia