Lama (bodisme)

Lo títol de lama (tibetan: བླ་མ་, Wylie : bla ma, contraccion de bla na med pa, insuperable^[1],[2]) es donat a un ensenhaire religiós del bodisme tibetan^[3].

Pels articles omonims, vejatz Lama.

Lama del bodisme tibetan

Significations

Aquel títol pòt èsser utilizat de biais onorific per un monge, una monja o, dins las escòlas Gelugpa, Nyingma, Kagyu e Sakyapa, un practicant avançat del tantrisme, per indicar lor nivèl d'espiritualitat e/o d'autoritat. Pòt tanben èsser utilizat per designar de tulkus, renaissenças de lamas, coma lo Dalaï Lama o lo Panchen Lama.

• Lo tèrme lama, que s'utiliza tanben en Occident, designa un nivèl de realizacon esperitala avançat. I a de lamas monges e de lamas laícs.
• Qu'ajan fach una retirada de tres ans o non, los moges o monjas avent fach los vòts de pratimoksha, pòdon aver un nivèl mes avançat.
• Los droplas son de practicants ensenhants avent fach una retirada, mas avent pas lo nivèl de realizacion dels lamas; guidan, explican e donan de lecturas oralas (lung) de practicas mas pas las transmissions de podeir (dbang). Pòdon demandar a èsser lama passat dos ans, la decision essent presa pel conselh dels lamas.
• Lo tèrme "lama" traduch lo sanscrit goró