Larus michahellis

Lo gabian argentat (Larus michahellis) es una espècia d'aucèus que fa partida dau genre Larus. D'una talha mejana amb un mantèu gris e de patas jaunas, es un aucèu marin sedentari e opportunista relativament frequent dins la mitat occidentala dau bacin mediterranèu, comprés dins lei vilas.

Fotografia d'un gabian argentat.

Airau de desparticion

Lo gabian argentat a un airau de desparticion mai que mai mediterranèu, mai pòu se reprodurre dins l'espaci nòrd-atlantic (litorau francés, Açòres, Madèira, Canàrias...)^[1]. Son airau totau s'estend donc dau bacin mediterranèu fins au nòrd de la Granda Bretanha e a la vila de Kaliningrad^[2]. Li nisa generalament dins d'endrechs rocassós pròche lo litorau. Pasmens, en causa de l'aumentacion importanta de sa populacion despuei la segonda mitat dau sègle XX, comença de colonizar l'interior dei tèrras, en particular lei vilas e lei ribas dei fluvis.

Regim alimentari

Lo regim alimentari tradicionau dau gabian argentat privilègia lei peis, leis aucelons e lei caronhas. Pasmens, es un aucèu opportunista que son alimentacion s'es adaptada ai vilas e ai pòrts.