La prononciacion locala es [luˌmasɔˈɣɾɔ]^[1]. Una auta prononciacion, relevada a La Tieula e al Recós, es [lu mase'grɔ] e lo gentilici es [luj mase'grizes]. Lo nom es explicat per l'idèa de « massa gran [grɔ] »^[2] (sembla una etimologia populara, mas per un ancian microtoponime, es una possibilitat). Notarem çaquelà que i aviá de fièiras del bestial, non pas del blat o autras cerealas. Una contraccion de (Mas) Seguran sembla improbabla, perqué lo nom de persona es provençal ^[3] e lo de Segura catalan; mas a temps passat ? La fòrma grafica de la mapa de Cassini, Le Mas Gros, sembla una interpretacion malbiaissuda : -s finala seriá conservada dins la prononciacion locala (cf. [al rre'kus], [lu rre'kus] per Lo Recós).

Lo capluòc de canton èra Sent Jòrdi de Lebejac. Lo nom de la comuna èra Inos (en francés), nom d'un vialatge situat a 1500 m del Mas Sagran. Lo Mas Sagran èra un simple vialatge que se desvolopèt entre la fin del sègle XVII e lo començament del sègle XIX pr'amor de fièiras del bestial que se tenián mai d'un còp dins l'annada, sul camin gran entre Milhau e Mende per Chanac. En 1839, Lo Mas Sagran ven al còp capluòc de la comuna e del canton ^[4].

• Abans la refòrma cantonala de 2014, aplicada en 2015, la comuna èra del canton del Mas Sagran; es ara del canton de La Canorga.

• Siti del conselh general de Losera (fr)