Los Grauges

Los Grauges, foneticament [luː’grawze^j]^[1], (Les Graulges en francés) es una anciana comuna d'Occitània, dins la region istorica de Perigòrd, situada dins lo departament de Dordonha de la region de Novela Aquitània, ancianament d'Aquitània. Lo 1er de genier 2017, fusionet emb autras uech comunas per formar la comuna novela de Maruelh en Perigòrd e ne venguet comuna delegada.

Los Grauges Les Graulges
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
L'egleisa daus Grauges.
Geografia fisica
Coordenadas	45° 29′ 46″ N, 0° 26′ 34″ E
Superfícia	4,13 km²
Altituds  · Maximala  · Minimala	185 m 98 m
Geografia politica
Region ist	Perigòrd
Estat	França
Region	Novela Aquitània
Departament	Dordonha
Arrondiment	Nontronh
Canton	Brantòsme de Perigòrd (Maruelh davant 2015)
Intercom	CC de Drona e Bela
Comuna	Maruelh de Perigòrd
Geografia umana
Populacion (2018)	59 ab.
Densitat	14,29 ab./km²
Autras informacions
Còde postal	24340
Còde INSEE de seccion	24203
Divèrs	Comuna delegada

Geografia

Perimètre dau territòri

Comunas confrontantas de daus Grauges

Combier (Charanta)		Baussat
	Senta Crotz de Maruelh	Puei Rainier

Toponimia

La prononciacion es [luː’grawze^j]^[1]. Lo nom pausa daus problèmas aus toponimistas. Las atestacions ancianas, contradictòrias (Monasterium de Grangis au sègle XIII, Grangii en 1342, Granges, en francés, en 1551 e 1555, Croix des Goulges, en francés, en 1551, per la granda crotz dau cementèri, Les Grauzes en 1740), fan supausar una maissanta lectura d'un nom que deviá èsser Las Granjas ^[2],[3]. Una autra solucion possibla, que refusariá de prener coma talas las prumieras atestacions, seriá Geraldios (fundos), « los bens de Gerald », nom de persona d’origina germanica ^[1].

La maissanta lectura pòt èsser dins un sens o dins l'autre. Logicament, deuriá èsser pus frequentament dins lo sens grauja ----> granja que non pas au revers (lo mot granja es plan coneissut, l'autre non). L'archivista o l'escriba que crei de legir graugii dins un tèxte ancian corregís còp-sec en grangii. La recèrcha se desplaça donc puslèu vers lo nom grauj-. Ajustarem que granja es femenin e que lo nom modèrne es au masculin. Per grauj-, si aquò's aquò que fau cerchar, justament, pas luenh de la comuna, lo microtoponime La Grauge (en francés) abonda : un sòu farrós (ferruginós) a Sofrinhac ^[4], que fai pensar a la color de quauques lauradís aus Grauges, un nom a Magnac-Lavalette-Villars ^[5], una charriera a Ruelle-sur-Touvre, Les Grandes Grauges a Aidon ^[6]... Son tanben daus noms au femenin.

Aquò's pas una dificultat terribla d'explicar lo passatge dau femenin au masculin dins lo nom Los Grauges : i a benlèu l'influéncia analogica dau mot greuge ^[3] e, pus probabla, dins un oèst occitan que fai sovent daus gentilicis sens sufixe, la confusion dau nom dau vilatge emb lo daus abitants (cas semblable coneishut mai d'un còp en Gironda ^[7]): los Grauges son « los abitants de Las Graujas », e après, aquò's lo vilatge que ven entau Los Grauges. Coma los autres microtoponimes en generau, lo nom La Grauja deviá èsser comprés i a quauques segles e benlèu z'es enquera. Son origina, si es pas una evolucion locala de granja, poiriá èsser per exemple lo gallés graua ^[8] emb un sufixe o apondi, benleu -dia (finala qu'existís en celtic, coma per exemple eporedia, *sudia « suja », ueadia, uxedios^[9]. ).

Istòria

• Lo 1er de genier 2017, la comuna fusionèt emb uech autras comunas per formar la comuna novela de Maruelh en Perigòrd, dont la creacion fuguet ratificada per l'arrestat dau 26 de setembre 2016, çò que transformèt las nuòu comunas ancianas en « comunas delegadas » ^[10].

Administracion

Lista daus cònsols delegats successius

Periòde		Identitat	Etiqueta	Qualitat
genier de 2017	2026	Jean-Marie Marchand	sens	imprimaire
Totas las donadas non son pas encara conegudas.

Lista daus cònsols successius

Periòde		Identitat	Etiqueta	Qualitat
març de 2008	decembre de 2016	Jean-Marie Marchand	sens	imprimaire
junh de 1995	2008	Max Guinet		retirat de l'Armada de l'Er
	1995
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra dau canton de Maruelh; es aura dau canton de Brantòsme de Perigòrd.

Demografia

modificar « persona »  v · d · m  Evolucion demografica Populacion comunala actuala (2013): 60, totala: 63
1793	1800	1806	1821	1831	1836	1841	1846	1851
199	198	256	267	305	311	316	334	318
1856	1861	1866	1872	1876	1881	1886	1891	1896
340	310	225	230	223	201	225	209	186
1901	1906	1911	1921	1926	1931	1936	1946	1954
166	140	149	127	124	120	117	117	121
1962	1968	1975	1982	1990	1999	2006	2007	2008
100	96	93	84	66	61	77	81	83 86
2009	2010
76 80	68 71
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

Luòcs e monuments

Personalitats ligadas emb la comuna

Veire tanben

• Comunas de Dordonha

Ligams extèrnes