Mòsa (flume)

Mòsa (en neerlandés Maas, en francés Meuse) es un flume majorau d'Euròpa, que nais en França e que cor a travèrs de Belgica e dei País Bas avans de se getar dins la mar dau Nòrd. A una longor totala de 925 km.

Mòsa (Meuse, Maas, Maes, Moûse, Mosa)
Caracteristicas
Longor	950 km
Bacin	36 000 km2
Debit mejan	357 m3⋅s-1
Riu
Font	Pouilly-en-Bassigny - (Haute-Marne, France)
Embocadura	mar del Nòrd (Haringvliet)
Geografia
Païses traversats	França  Belgica Païses Basses
Vilas principalas	Neufchâteau, Commercy, Saint-Mihiel, Verdun, Sedan, Charleville-Mézières, Nouzonville, Revin, Givet, Dinant, Namur, Andenne, Huy, Liège, Maasmechelen, Maastricht, Ruremonde, Venlo

Pels articles omonims, vejatz Mòsa (omonimia).

Mòsa a Namur.

La font es situada en França en Bassigny, pichona region naturala situada dins lo sud del departament de la Nauta Marna (region Grand Èst), a Pouilly-en-Bassigny, vilatjòt de la comuna de Châtelet-sur-Meuse. Lo luòc de la font es a 409 mètres d'altitud. Sèina, Marne e Auba an la font pròche de la de Mòsa sul plan de Langres.

Lo flume daissa rapidament lo departament de la Nauta Marna. Dins los Vòges, un fenomèn geologic particular a luòc al nivèl de Bazoilles-sur-Meuse : las perdas de Mòsa, ont lo flume s'infiltra en sossòl per tornar sorgentar a Neufchâteau. Al nivèl de Neufchâteau, Mòsa daissa una plana argilosa per dintrar dins las còstas de Mòsa e s'escolar dins una val estreita e calcària. Passa al pè de la basilica du Bois-Chenu e près de l'ostal de Joana d'Arc a Domrémy-la-Pucelle. Dins lo departament de Mòsa, recep las aigas de sos afluents. Asaga Commercy, Saint-Mihiel, Verdun, Dun-sur-Meuse ont lo flume daissa las còstas de Mòsa per rejónher la plana argilosa de la Woëvre. Serpenta puèi sus un terrenh de febla penda. A Stenay, Mòsa passa tornarmai dins una val estreita e traversa l'extremitat nòrd de las còstas de Mòsela.