Marduk-nadin-ahhe

Marduk-nadin-ahhe foguèt un rèi de la Segonda dinastia d'Isin que reinèt sus lo reiaume de Babilònia vèrs 1135-1027 aC. Succediguèt a Enlil-nadin-apli I^r[1] (vèrs 1104-1101 aC) e reinèt vèrs 1100-1083 aC^[1]. Son successor foguèt Marduk-sapik-zeri (vèrs 1082-1070 aC).

Pendent son rèine, se bateguèt ambé l'Empèri Assirian. Sei campanhas premieras li permetèron de s'emparar deis estatuas dei dieus Adad e Shala dins Ekkalatum^[2]. Pasmens, leis Assirians dau rèi Teglath-Phalasar I^r capitèron de prendre Babilònia e de cremar lo palais^[3]. Marduk-nadin-ahhe moriguèt probablament durant una campanha contra leis Aramèus^[4].

Sei títols èran^[5] :

• Rèi.
• Rèi de Babilònia.
• Rèi de Sumèr.
• Rèi de Sumèr e d'Akkad.
• Rèi dau Mond.
• Rèi d'Ur.
• Rèi d'Akkad.
• Rèi de Karduniash.