Marka (cantaire)

Serge Van Laeken, dich Marka, nascut lo 27 de mai de 1961 a Watermael-Boitsfort, es un cantaire francofòn de Belgica.

Serge Van Laeken es nascut dins una familha flamenca e a viscut a Molenbeek-Saint-Jean dins la banlèga bilingüe (francesa-flamenca) de Brussèlas. Un amic african le balhèt l'escais de Markassou, d'aquí ven lo Marka.

Marka publiquèt son primièr album solò en 1992.

En març de 1995, signèt un contracte ambe Columbia France per tres albums e sortiguèt còp-sec dos simples qu'aguèron de resson, "Accouplés" et "La Poupée Barbu". Pasmens, dos meses après sa sortida, la cançon "Accouplés" foguèt tirada de las programacions de las ràdios francesas pr'amor dels atemptats terroristas de l'estiu de 1995 : cal díser que la cançon a de sonoritats arabisantas, sonoritats assumidas pr'amor que familiaras per Marka vist que dins sa ciutat (Molenbeek-Saint-Jean) i a una comunautat nòrd-africana importanta.

Marka es lo paire de la cantaira Angèle e del rapaire Roméo Elvis.