Marron (fruch)

Lo marron es una castanha, fruch comestible del castanh, que se caracteriza per de critèris de bèla forma: lo fruch es gròs, redond (un sol fruch se desvolopèt dins la rusca) e non separat (i a pas de replecs de pelofa a l'interior de la popa).

Non confondre amb amaron.

De Marrons

De varietats melhoradas de castanhs foguèron multiplicats per empèut, produsent de marrons en bona proporcion.

Los marrons son destinats en proritat als usatges de luxe, coma per la confeccion dels marrons glaçats o dels marrons grilhats.

Varietats de marrons

• Bocha roja, varietat originària de Sant Estève de Bolonha en Ardecha.
• marron de Gojonac, varietat originària de Gojonac en Carcin.
• marron de La Guèpia, una castanha originària de La Guépia, tanben sonada Rossa de Najac.
• marron d'Olargues^[1], varietat originària de la region d'Olargues en Lengadòc.