Messerschmitt Me 262

Lo Messerschmitt Me 262 es un avion de combat alemand desvolopat a partir de 1939 e intrat en servici en mai de 1944. 1 430 exemplaris foguèron produchs mai solament la mitat foguèt utilizada per la Luftwaffe durant lo periòde finau de la Segonda Guèrra Mondiala. Lo Me 262 a una plaça particulara dins l'istòria de l'aviacion militara car foguèt lo premier avion equipat de motors de reaccion utilizats au combat. Aquò li permetiá d'agantar una velocitat maximala de 878 km/h còntra mens de 800 km/h per leis avions aliats e sovietics pus rapids. De versions especializadas dins lo combat aerian, lo bombardament leugier e la reconoissença foguèron concebudas. En despiech de seis avantatges importants, lo Me 262 aviá de problemas importants (problemas frequents de motor, armament pauc precís^[1], manejabilitat febla, autonòmia limitada, etc.). Aguèt donc pas d'influéncia sus lo debanament de la guèrra.

Messerschmitt Me 262.

Après 1945, quauquei Me 262 foguèron utilizats dins l'aviacion checoslovacs fins a 1951. Leis autrei fòrças aerianas l'estudièron mai l'adoptèron pas en causa de sei problemas de fisabilitat. Pasmens, lo Me 262 inspirèt plusors avions coma lo Nakajima Kikka (1945), lo Sukhoï Su-9 (1946), lo F-86 Sabre (1949), lo MiG-15 (1949) e lo B-47 Stratojet (1951).

Liames intèrnes

• Motor de reaccion.

Bibliografia

• (fr) Dominique Breffort, Les chasseurs allemands, t. 2, Histoire et Collections, coll. « aviation », 2014.
• (en) Heinrich Hecht, The World's First Turbojet Fighter – Messerschmitt Me 262, vol. 1, Schiffer Publishing, coll. « Classics in Organization and Management » n°23, 2004.