Mezzogiorno

Lo Mezzogiorno ([ˌmɛddzoˈdʒorno];^[1] en occitan: «lo Miègjorn, lo Mieidia») designa l'ensems de las regions peninsularas e insularas que correspondon al sud d'Itàlia. Sa definicion es diferenta d'aquela de l'Itàlia meridionala (segon l'Istituto nazionale di statistica) que compren pas las regions insularas.

Definicion

Lo tèrme de Mezzogiorno fa referéncia uèi a l'ensems de las regions del sud de l'Itàlia peninsulara e insulara, caracterizadas per un desvolopament economic mendre que la rèsta del país (feble teissut economic, caumatge elevat), e per una cultura e una sociologia particularas (implantacion mafiosa, feblesa de las institucions, conservatisme social).

D'un ponch de vista istoric lo Mezzogiorno designa las regions italianas que correspondon a l'ancian Reiaume de las Doas Sicílias, integrat a Itàlia en 1861, en seguida de l'Expedicion de las Mila menada per Garibaldi:

• Abruç
• Basilicata
• Campània
• Calàbria
• lo sud del Laci (de per abans part integranta de la Campània)
• Molise
• Polha
• Sicília

Sardenha es egalament inclusa, malgrat son especificitat istorica, cultural e lingüistic, en rason de condicions economicas similaras.

Vejatz tanben

• Padània