Nodule de manganèsi

Lu nodules de manganèsi ò nodules polimetallics son de concrecions minerali repauant sus lo fons oceanic e constituidi de cercles concentrics d'idroxides de fèrre e de manganèsi precipitats a l'entorn d'un nucleu. Lo nucleu es sovent microscopic, mas pòu èstre un element visible coma un microfossile, una dent de làmia ò un tròç de basalte. Descubèrts en lo 1868 dins la mar de Kara, aquelu nodules an una talha generalament compresa entre 5 e 10 cm de diamètre. Contènon mai que mai de manganèsi, de fèrre, d'alumini, de niquèl, de coire e de cobalt. Pòdon se formar dins toti lu mitans aqüatics, compres lu lacs, mas li concentracions pus importanti se tròban dins li planas abissali entre 4 000 e 6 000 m de prefondor. Poirían representar una ressorsa miniera importanta durant lu sègles futurs. Totun, la sieua esplecha eventuala suscita d'inquietudas importanti car es susceptibla de cauar de degalhs considerables dins li regions abissali.

Copa transversala d'un nodule.

Ligams intèrnes

• Metal.

Bibliografia