OK Boomer

«OK Boomer» es una frasa fetiche e un mèm d'internet qu'a ganhat en popularitat en 2019. Es utilizat per virar en derision las actituds estereotipats atribuidas a la generacion dels baby boomers.

Usatge

L'expression es utilizat de manièra pejorativa per contracarrar o virar en derision de jutjaments percebuts coma mesquins, despassats o condescendents, de la part de personas atjadas, particularament los baby-boomers. Lo tèrme a estat utilizat per replicar a çò qu'es percebut coma una resisténcia al cambiament (tecnologic, climatic)^[1][2][3], la marginalizacion de las minoritats, l'oposicion a una drecha identitària o als ideals de las generacions ascendentas^[4][5][6][7].

Origina

«OK Boomer» troba son origina dins una video ont l'òm vei un òme atjat pas identificat declarar que «los millennials e la generacion Z son atacat del sindròm de Peter Pan, refusan de grandir e pensan que los ideals utopics qu'an breçat lor jovença van d'una manièra o d'una autra se realizar a l'atge adult». La video a inspirat l'expression «OK Boomer» coma replica e critica dels ideals de las generacions precedentas qu'an fòrtament marcat la politica, l'economia e l'environament^[8].

Espandiment

Sembla que lo tèrme aja estat utilizat a partir d'abril de 2018, mas intra dins la cultura populara a partir de genièr de 2019^[9]. Atira l'atencion dels mèdias al debut de novembre de 2019, quand mantun articles li son consacrats.

A aquela data, los videos associats al mot-clau #OkBoomer sus TikTok an estat visionadas 44,6 millions de còps^[10].

Dins los mèdias

La parlamentària neozelandesa Chlöe Swarbrick, qu'a utilizat l'expression per respondre a un collèga mai atjat que l'invectivava al Parlament.

En novembre de 2019, Chlöe Swarbrick, una parlamentària neozelandesa, alara qu'interven sul cambiament climatic, respond d'un expeditiu «OK Boomer» a un collèga mai atjat que cerca a la desestabilizar^[2][3][9]. A la meteissa epoca, Politico joga amb lo mèm en entitolant «OK Bloomberg» un article sus la possible candidatura de Michael Bloomberg a la presidéncia dels Estats Units^[11].

Analisi

Las reaccions son partejadas, anant de «aquesta detestacion es legitima» fins a «es pas just de blasmar los baby boomers»^[12]. D'unes consideran que la frasa denota l'atgisme^[13][14][15]. Bob Lonsberry, animator de ràdio classat a drecha a mai qualificat boomer de «N word del racisme anti-vièlhs»^{[N 1][15]}, alara que William Shatner la considera coma un «insult infantil»^[16]. Dins lo Guardian, Bhaskar Sunkara a criticat lo mèm en indicant que la generation dels boomers a besonh de solidaritat, nombre d'entre els esprovant de grandas dificultats economicas. La màger part dels Americans aprochant los 65 ans dispausant de mens de 25 000 $ d'economias^[17].

L'expression pòt tanben èsser utilizada per marcar una oposicion a un immobilisme mespresant, coma aqueste que s'es expremit a prepaus de Greta Thunberg, sens èsser fòrçament ligada a una diferéncia d’atge^[1].