Ontàrio

Ontàrio es una província situada pel centre de Canadà, la pus importanta de per sa populacion^[3] e la segonda, après Quebèc, en superfícia totala.^[4] (Nunavut e los Territòris del Nòrd Oèst son mai grands mas son pas de províncias.) Ontàrio confronta las províncias de Manitòba a l'oèst, Quebèc a l'èst, e los estats americans (d'oèst cap a l'èst) de Minnesòta, Michigan, Ohio, Pensilvània (al Lac Erie), and Nòva York. Fòrça de las termièras d'Ontàrio amb los Estats Units son naturalas, que començan al lac de Woods e seguisson a travèrs los Grands Lacs: lac Superior, lac Huron (qu'inclutz baia georgiana), lac Erie, e lac Ontàrio, puèi a la ras del fluvi de Sant Laurenç prèp de Cornwall. Ontàrio es la sola província canadiana a la broa dels Grands Lacs.

Ontàrio

Ontario
(Bandièra) (Escut d'armas)
Devisa	Ut incepit fidelis sic permanet (Latin : « Fisèla comencèt, fisèla demorarà »)
Nom oficial	Ontario (en)[1]
Administracion
Capitala	Toronto
Lenga oficiala	anglés
Politica
Forma de govèrn	Democracia parlamentària
• Monarca	Carles III
• Primièr ministre	Doug Ford (ca) (2018–)
Geografia
50° N, 85° O
Estat	Canadà
Superfícia	1 076 395 km²
Percentatge d'aiga	14,7 %
Punt mai bas	Baia d'Hudson (0 m)
Punt culminant	Ishpatina Ridge (693 m)
Fus orari	-5 e -6
Demografia
Populacion	1en
• Totala	14 223 942[2] ab. (2016)
• Densitat	13,21 ab./km²
Gentilici	ontarian, ontariana
Economia
Moneda	dolar canadenc
Autras informacions
Còdi postal	K, L, M, N e P
Domeni Internet	.on.ca
ISO 3166-2	CA-ON
Sit web	ontario.ca

Ontàrio- Niagara Falls

La capitala d'Ontàrio es Toronto, la pus granda vila de Canadà^[5]. Ottawa, capitala de Canadà, es tanben situada en Ontàrio.

La província pren son nom del Lac Ontàrio, derivat del mot huron ontarí:io, que significa "lac grand",^[6] o benlèu de skanadario que vòl dire "aiga polida" en Iroqués.^[7]