Lac Superior

Lo lac Superior (Lake Superior en anglés) es lo mai grand dels cinc Grands Lacs d'America del Nòrd. Fa limita al nòrd amb la província canadenca d'Ontàrio e amb l'estat american de Minnesòta, e al sud amb los estats americans de Wisconsin e Michigan. Es lo lac d'aiga doça mai grand del mond en superfícia e lo tercer mai grand en volum.^[1] Ocupa una superfícia totala de 80.800 km², amb un bacin de 209.000 km².^[2] La prigondor mejana es de 143 m, e lo maxima es de 406 m.^[3] Dos terces de l'aira del lac son part del territòri nòrd-american, la resta aperten al territòri canadenc.

Imatge de satellit del lac Superior

E mai que lo lac se gela pas jamai durant l'ivèrn, s'i forman de sisas de glaç per las ribas, rason per la quala ne cal tancar los pòrts de decembre a abrial.^[3] Los pòrts mai importants del lac son Thunder Bay, Michipicoten Harbour, Marquette, Copper Harbor, Ashland, Superior, Wisconsin-Duluth, Two Harbors e Taconite Harbor.^[3]