Operacion Paukenschlag

L’Operacion Paukenschlag^[1] es una campanha menaa per los sosmarins alemands durant la Segonda Guerra Mondiala long de la còsta est dels Estats Units entre genier e aost de 1942. L'objectiu dels Alemands èra de profiechar de la manca d'organizacion defensiva de la marina estatsunidenca per atacar los naviris marchands. D'efiech, al començament de la guerra, los Estatsunidencs adoptèron pas las tacticas de carreg que permetián de metre en plaça una proteccion dels naviris per de destroiers. Los Alemands poguèron ansin destruire 609 naviris representant un tonatge de 3,1 milions de tonas per la perta de 22 U-Boote. Finalament, en julhet de 1942, los Estatsunidencs acceptèron de seguir los conseus dels Britanics e organizèron de carregs en se concertant amb las marinas britanica e canadenca. Los sosmarins alemands deuguèron alora se desplaçar dins las regions centralas de l'ocean Atlantic e venguèron mens eficaç.

Incendi e naufragi dau petrolier Dixie Arrow lo 26 de març de 1942.

Ligams internes

• Batalha de l'Atlantic (1939-1945).

Bibliografia

• (en) Michael Gannon, Operation Drumbeat, Nòva York, Harper Collins, 1991.
• (fr) Guy Malbosc, La bataille de l'Atlantique, 1939-1945, Economica, 1995.