Ostal d'Occitània
From Wikipedia, the free encyclopedia
Remove ads
L'Ostal d'Occitània es un centre cultural occitan de Tolosa, dins los locals renovats de l'ostal de Boisson, al numèro 11 de la carrièra de Malcosinat. L'inaugurèron lo 16 de decembre de 2006. Los luòcs assostan en realitat dos ancians ostals particulars: los ostals diches de Boisson e de Cheverrí (noms dels capitols que i visquèron). La proprietat foguèt legada als ospicis civils de Tolosa per dòna Pagés en 1917.
La restauracion es estada finançada gràcias al concors de l'ostal de comuna de Tolosa (63%), del conselh general de Nauta Garona (23%) e del conselh regional de Miègjorn-Pirenèus (14%).
Es administrat per la federacion d'associacions Convergéncia Occitana que prevei tres tipes d'utilizacion:
- Luòc de trabalh associatiu.
- Luòc de difusion; botiga e librariá.
- Luòc cultural dobèrt al public; exposicions, conferéncias, espectacles.
L'autra partida de l'"Ostal d'Occitània" se trapa dins l'anciana annèxa del collègi de Clamença Isaura, (5 carrièra del Pont de Tonís) ont son installats lo Conservatòri Occitan, l'escòla Calandreta Sent Çubran e la sala polivalenta gerida per la Convergéncia Occitana.
Remove ads
Ligam extèrne
https://web.archive.org/web/20210422160901/https://ostaldoccitania.fr/ lo sit oficial de l'Ostal d'Occitània (òm se pòt inscriure a la letra d'informacion)]
Wikiwand - on
Seamless Wikipedia browsing. On steroids.
Remove ads