Otto Dix

Otto Dix (Untermhaus, 2 de decembre de 1891 – Singen (Hohentwiel) 25 de julhet de 1969) foguèt un pintre e gravaire alemand.

Participèt a la Primièra Guèrra Mondiala, una experiéncia que li daissèt una marca prigonda. Se faguèt conéisser per sas representacions crudas del conflicte e per sa descripcion critica de la situacion politica e sociala d’Alemanha pendent la Republica de Weimar. Foguèt un dels principals representants del movement de la Novèla Objectivitat, amb George Grosz e Max Beckmann.

Aprèp l’ascension del nazisme, demorèt en Alemanha, malgrat que son òbra foguèsse declarada art degenerat pel regim nazi. En 1939, foguèt acusat de participar a un complòt per assassinar Hitler, mas obtenguèt la libertat pus tard. A la fin de la Segonda Guèrra Mondiala, foguèt recrutat dins lo Volkssturm, capturat pels franceses en 1945 e liberat l’annada seguenta.

Aprèp la guèrra, s’installèt a Drèsda, dins l’Republica Democratica Alemanda, ont visquèt e trabalhèt. La critica reconeguèt son òbra tant en Alemanha de l'Oèst coma en Alemanha Orientala.