Ouranopithecus
From Wikipedia, the free encyclopedia
Remove ads
Oranopitèc (Ouranopithecus) es un genre escantit d’ominid, descrich en 1977, que demorèt dins los Balcans e en Anatolia pendent la fin del Miocèn, ara fa entre 7 e 10 milions d’annadas.
Remove ads
Espècias
Lo genre oranopitèc es representat per doas espècias fossilas :
· Ouranopithecus macedoniensis, descrich en 1977, que demorèt en Grècia septentrionala e tanben en Bulgaria, ara fa entre 9,6 e 8,7 millions d'annadas [1];
· Ouranopithecus turkae, descrich en 2007, e que demorèt en Turquia, ara fa entre 8,7 e fins a 7,4 millions d'annadas[2].
Remove ads
Morfologia
L'espècia Ouranopithecus macedoniensis foguèt segon los darrièrs estudis una espècia granda. La sieuna fàcia massissa èra longa e dominada per un arc superciliar prominent. Aviá tanben d’orbitas cairadas. Oranopitèc aviá, coma los umans, los chimpanzés e los gorillas, la particularitat d’aver un òs frontal. L’esmalt de las sieunas dents èra plan mai massís que lo d’autres monards, mas encara inferior al dels parantròps [3]. Las cuspidas èran bassas. Las dents soslinhavan un cèrt dimorfisme sexual. Lo mascle aviá de caninas grandas amb de premolara bassas e talhantas.
Remove ads
Noiridura
La superfícia plan gausida de la segonda molara d’Ouranopithecus macedoniensis fa pensar que la sieuna noiridura basica foguèt, benlèu, dura, coma de noses o de tuberculs[4].
Filogenia
L’anatomia dentària e faciala d’Oranopitèc entraïna una espècia pròcha dels ancessors dels umans. D’estudis recents situan aquesta espècia dins la sosfamilha dels ominids, qu’inclutz los gorillas, los bonobos, los chimpanzés e tanben los umans[5].
Oranopitèc es tanben considerat coma un genre pròche de Grecopitèc, amb que es sovent confondut.
Referéncias
Wikiwand - on
Seamless Wikipedia browsing. On steroids.
Remove ads