Pagina web

La pagina web^[1], o pagina Web^{[2],[3],[lower-alpha 1]}, es l'unitat de consultacion del World Wide Web. Aqueste tèrme a una significacion practica ; a pas de definicion tecnica formala. Las paginas web son concebudas per èsser consultadas amb un navegador web^[5]. Son identificadas per una adreça web.

Captura d'ecran montrant una pagina del sit bywaysonline.org en 2013.

Tecnicament, una pagina web es generalament constituida d'un document redigit en Hypertext Markup Language (HTML) per l'estructura de basa, d'imatges numericas, de fuelhas d'estil en cascada (CSS) per la mesa en pagina, e de JavaScript per la programacion informatica de las foncionalitats mai avançadas.

Utilizacion

Identificacion e accès

L'adreça web de la pagina d'acuèlh del sit paypal.com, afichada dins la barra d'adreça d'un navegador web.

L'accès a una pagina es donat per son adreça web, que se pòt :

• entrar manualament dins la barra d'adreça d'un navegador web ;
• o activar en seguent un iperligam que se tròba dins un document tal que :
  • una autra pagina web;
  • una aplicacion mobila ;
  • un corrièr electronic ;
  • un document electronic coma un PDF o un document Microsoft Word.

Modas de consultacion

Las paginas web son generalament concebudas per èsser afichadas sus un ecran, un monitor d'ordenador o un smartphone. Pasmens, lo lengatge HTML a la basa de la màger part de las paginas web es estat concebut per permetre la consultacion amb de dispositius variats : ecrans de tota talha, terminal en mòde tèxte, imprimidora, dispositiu braille, sintetizador vocal[1]. Lo tèrme 'pagina' es doncas generalament reductiu, a causa de son potencial d'interactivitat amb l'utilizaire.

Pagina d'acuèlh

Pagina d'acuèlh del sit web oficial de la NASA en 2015.

La pagina d'acuèlh d'un sit web es la pagina que correspond a l'adreça racina del sit. Es la primièra pagina visitada pels visiteurs que dintrant per l'adreça del sit. Aquesta pagina es sovent concebuda per presentar lo sit web e donar d'iperligams cap als servicis e informacions principals.

Basas tecnicas

Tecnicament, una pagina web es constituida d'una o mai d'una recursas distintas del World Wide Web. La recursa principala es generalament un document escrit dins lo lengatge informatic HTML. HTML permet de contenir de tèxtes, e de far apel a d'autres recursas coma d'imatges, de vidèos, d'animacions, de son, d'applets e de documents inclus. Aqueles recursas son identificadas per lor URL, çò que permet d'integrar dins una sola pagina de recursas venent de qualsevol servidor web. A còps, lo cargament d'una de las recursas falha, e la pagina deu èsser consultada sens èsser completa.

Mesa en pagina

Los lengatges HTML e CSS permeton als navegadors web d'adaptar lo rendut de cada pagina a las condicions locals de consultacion : dimensions de la fenèstra, fonts de caracters disponibles, colors disponibles, preferéncias del visitante. Entre un telefòn mobil e un ecran de television, en passant per la tableta e l'ordenador personau, aquelas condicions varian fòrça.

Se dison « design fluid » las metodas de design que permeton a las paginas de s'adaptar exactament a la largor d'ecran. Se dison « design adaptatiu » (responsive en anglés) las metodas^[6] que permeton de cambiar fonamentalament la mesa en pagina segon la largor de l'ecran. Inversament, se dison « design fix » la metodologia que consistís a figar la talha de cada element de la pagina e a obtenir un rendut ideal dins una fenèstra de dimensions precisas, amb una talha de fonta precisa.

Creacion

Per crear una pagina web, es necessari un editor de tèxt o un editor HTML especializat. Cal puèi enregistrar la pagina web creada sus un servidor web (hebergeir). Lo design d'una pagina web es personau. Es possible d'utilizar de modèls prefabricats (templates). Los modèls de paginas permeton al webmestres de se concentrar sus lo contenut del sit sens aver a se preoccupir dels problems de mesa en forma. Una autra faiçon de crear una pagina web es de descarregar e d'utilizar de programas gratuits coma un wiki, un sistèma de gestion de contenut, o un fòrum Internet. Aqueles sistèmas permeton de crear rapidament e facilament de paginas web que son generalament de sit web dinamics.