Partit whig (Estats Units)

Lo partit whig es un movement politic estatsunidenc actiu entre 1834 e 1860. Creat per s'opausar a la politica jutjaa populista dau president Andrew Jackson (1829-1837), èra un partit conservator favorable al parlamentarisme, als mitans ruraus e a una politica economica destinaa a protegir l'industria naissenta, a gardar una monea establa e a desvolopar las infrastructuras per unificar lo territòri (doctrina de l'American System). Per aquò, sostenguèron l'adopcion de proteccions doanieras a l'exterior dau païs, mas encoratjèron lo desvolopament d'una economia liberala a l'interior.

Lo partit aguèt un ròtle important dins la vida politica estatsunidenca durant los ans 1840-1850 e los presidents William Henry Harrison, John Tyler e Millard Fillmore èran eissits de sos rengs. Pasmens, a la fin dels ans 1850, lo partit se fragmentèt en causa de las tensions regardant lo proteccionisme, lo conflicte Nòrd-Sud e l'esclavatge. Concurrenciat per lo Partit Republican, lo movement Know Nothing e lo Partit de l'Union Constitucionala, dispareguèt al començament de la Guerra de Secession.

Ligams internes

• Partit whig (Reiaume Unit).

Bibliografia

• (en) Michael F. Holt, The Rise and Fall of the American Whig Party: Jacksonian Politics and the Onset of the Civil War, Oxford University Press, 1999.
• (en) Sean Wilentz, The Rise of American Democracy: Jefferson to Lincoln, W. W. Norton & Company, 2005.