Pissalat

Lo pissalat es una preparacion culinària niçarda, fòrça emplaegada coma saussa e condiment, a basa d'amploas ò de sardinas saladi esquiçadi. Aguent donat lo sieu nom a la pissaladiera, la sieua fabricacion ocupava una dotzena de familhas au començament dau sègle XIX. Totun, aquela produccion dispareissèt durant la Segonda Guèrra Mondiala. Uei, lo pissalat es unicament fabricat, d'un biais artesanal e sovent simplificat, per la confeccion de la pissaladiera.

Lo pissalat tradicional es realizat a partir d'una mescla d'amploa, de sardina ò de potinas esquiçadi dins un mortier au mejan d'un peston. Pi, la preparacion macèra e fermenta durant quaucu mes en preséncia de sau, de pebre, d'òli d'oliva, d'espècias, de farígola, de laurièr saussa, de canela e de giròfle. La mescla es batuda cada jorn per formar una pasta. Cau finda levar l'excès d'òli. Enfin, per acabar la preparacion, èra necessari de tamïar la pasta. En mai de la pissaladiera, lo pissalat èra utilizat per faire de tartinas ò per acompanhar d'autrei plats (sopas, saladas, etc.).

• 
  Pissalat
• 
  Pissaladiera
• 
  Anchoiada (varianta)

Ligams intèrnes

• Coïna niçarda
• Pissaladiera

Bibliografia

• Alex Benvenuto, Cuisines du pays niçois, Niça, Serre, 2001.
• Louis Roubaudi, Nice et ses environs, París, Éditions Allouard et Turin, Gianini e Fiore, 1843.