Premsa

La premsa^[1] o lo jornal (var. jornau)^[2][3] es una publicacion periodica contenent dels faches divèrses de l'actualitat, un produch derivat d'un conjunt d'activitats nommat jornalisme. Se declina en doas categorias: los jornals del matin e los jornals del ser; aquestas se dividisson egalament de per lor frequéncia de publicacion; quotidian, setmanièr, bimesadièr, mesadièr, bimesadièr, trimestral, semestral.

Escoltar l'article (info) noicon

Exemple d'una pagina de jornal.

Los jornals se son desvolopats al sègle xvii, coma fichas d'informacion pels comerçants. A la debuta del sègle xix, de nombrosas vilas d'Euròpa, aital coma d'America del Nòrd e del Sud, publicavan de jornals. D'unes jornals dotats d'una granda independéncia editoriala, d'una granda qualitat jornalistica e d'un tiratge grand son considerats coma de jornals de referéncia. Amb la popularitat d'Internet, de nombroses jornals son d'ara enlà numerics, lors informacions essent presentadas en linha puslèu que jos un format fisic, amb una baissa de las vendas de còpias papièr dels jornals.