Quartiers de Marselha
lista d'un projècte Wikimèdia From Wikipedia, the free encyclopedia
Remove ads
Marselha de còps apelada « la villa dei 111 quartiers[1] », sei quartiers son sovent d’ancians vilatges restacats pauc a cha pauc a la ciutat, bastits a l’entorn de l’ancian vilatge amb sa plaça e sa glèisa ò desvelopats sus lo tenement d’una bastida vièlha e portant lo nom dau proprietari feminizat segon l’us tradicionau .
- article en cors de traduccion
Fòrça quartiers an un nom de sant que ramenta la relacion entre aquelei quartiers e lei parròquias. Son pus recents.
La chifra de 111 correspònde ai quartiers « oficiaus ». D’unei quartiers pasmens pron conoissuts, coma lo Panier, s’atròvan pas dins aquesta lista oficiala.
Remove ads
Lei 111 quartiers oficiaus
La lista dei 111 quartiers e sei limits foguèron fixats per lo decrèt n°46-2285 dau 18 d’octòbre de 1946. Aquestei quartiers sèrvon de basa per exemple per la delimitacion deis airaus d’estacionament ò per establir leis estatisticas de l’INSEE.
Remove ads
Lei quartiers non oficiaus
Certans quartiers conoissuts dei marselhés fan pas partida de la tiera oficiala :
- Centre Vila (1er e 2en) correspond generalament ais quartiers que ribejan Canebiera o tènon lei cais nórds e oest dau Pòrt Vièlh : Belsunce, Opèra, Noalhas, Tièrs, lo Capítol) e la Bourse (derrière lo Palais de la Borsa, entre la Lòtja e Belsunce).
- Lei Reformats (1er) amb la glèisa que li a donat lo nom, domina Canebiera, entre lo Capítol e Tièrs.
- Gambetta (1er), dau nom deis alèias que menan dau aut de la Canebiera a la plaça dei Capucinas. Se còmpta dins lo quartier dau Capítol.
- Colbert (1er) auta de la facultat dei scièncias economics, a l'entorn de la carriera Colbert pròcha lo cors Belsunce e la carriera d'Ais.
- Lo Panier (2en), quartier pus vièlh de Marseha, oficialament comprés dins lo quartier de la Lòtja.
- Republica (2en) dau nom de la carriera cavada dau temps dau Segond Empèri.
- La Pòrta d'Ais (1er, 2en e 3en) o oficialament plaça Jules Guesde e de son arc de trionfe, a l'emplaçament de l'ancian portau dei barris de la vila dobrissent sus lo camin d'Ais de Provença.
- Longchamp (4en) nomada per lo Palais Longchamp e lo baloard de meteis nom, senhoreja sur lei quartiers dei Cinc Avengudas e de Sant Carles.
- Plan de Sant Miquèu (6en) o oficialament la plaça Joan Jaurés e lo cors Julian.
- La Cornissa (7en), part dau Rocàs Blanc e de Bompar que trestomba la cornissa dau President John Fitzgerald Kennedy.
- Lo Valon deis Aufas (7en), pòrt de pesca, dins lo quartier d'En Domes.
- Malamosca (7en) dau nom d’una poncha, se còmpta tanben dins lo quartier d'En Domes.
- Lei Catalans (7en), fa part dau quartier dau Faròt.
- Boreli (8en) sonat per la bastida e lo pargue, dins lo quartier de Bòna Avena.
- Cala Lònga (8en), part dei Godas.
- La Madraga o la Madraga de Mont Redon (8en), designa lo portalet au còr dau Mont Redon e per extension aquest quartier.
- Lo Rèi d'Espanha (8en) dins lo quartier de la Poncha Roja, e virant a levant sus lo quartier de Sormiu (9en).
- Luminie (9en), campus universitari creat en 1968, partida dau Redon.
- Vèrd Plan (9en) corespònd a la part nòrd dau quartier de Sormiu, per leo relarg que s’atròba entre lo camin de la Soda, lo camin dau Rèi d'Espanha e lo limit que termeja lei quartiers de la Vièlha Capèla e de la Poncha Roja.
- Bèumont (12en) entre lei centres vilagés de Sant Barnabèu e de Sant Julian. Quartier majorau deis armenians de la vila.
- Lo Pichon Bosquet (12en e 13en), pichon quartier a l'entorn de l'avenguda dau Mont Olivet. Au moment de l’atermemament dei quartiers en 1998, la comuna aviá per error nomat lo quartier dau « Mont Olivet » (partida dau 12n). Lei abitants s'abrivèron per corregir l'engana sus lei placas plantadas dins lo quartier.
Remove ads
Liames extèrnes
- PDF Plan de découpage des quartiers à Marseille sur le site de la Chambre de commerce
Referéncias
Wikiwand - on
Seamless Wikipedia browsing. On steroids.
Remove ads