Rasengas

Rasengas (Razengues en francés) qu'ei ua comuna occitana de Gasconha situada dens lo departament de Gers e la region d'Occitània, ancianament de Mieidia-Pirenèus.

Vilatge d'Occitània

Rasengas Razengues
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Vista aeriana de Rasengas a l'agòr.
Armas
Geografia fisica
Coordenadas	43° 38′ 32″ N, 0° 59′ 53″ E
Superfícia	4,35 km²
Altituds  · Maximala  · Mejana  · Minimala	231 m 229 m 147 m
Geografia politica
País	Gasconha
Estat	França
Region 76	Occitània
Departament 32	Gers
Arrondiment 321	Aush
Canton 3210	Gimona-Arrats (L'Isla de Baish abans 2015
Intercom 200023620	CC de la Gasconha Tolosana
Cònsol	Janine Barioulet-Lahirle (2020-2026)
Geografia umana
Populacion Populacion totala (2018)	242 ab. Evolucion de la populacion 251 ab.
Densitat	46,9 ab./km²
Autras informacions
Còde postal	32600
Còde INSEE	32339

Geografia

Comunas a l'entorn.

Toponimia

Segon Dauzat, Rasengas que vengueré benlèu deu gallic rati (Dottin), au sens de « planèr », dambe lo sufixe prelatin -inca ^[1].
Segon Negre, Rasengas que vengueré benlèu de l'adjectiu occitan rasenc « confrontant, limitròfe », au femenin plurau : (tèrras) rasencas ^[2]. La glèisa qu'es just au ras deu territòri de Bèthpoi.

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Administracion

Lista deus cònsols successius

Periòde		Identitat	Etiqueta	Qualitat
2020	(2026)	Janine Barioulet-Lahirle
2014	2020	Audrey Bichet
març de 2001	2014	Yves Druilhet
març de 1977	2001	Georges Ambroise
març de 1971	1977	Jean Fourcade
1955	1971	Julien Lahirle
	1955
Totas las donadas non son pas encara conegudas.

Demografia

modificar « persona »  v · d · m  Evolucion demografica Populacion comunala actuala (2013): 204, totala:
1793	1800	1806	1821	1831	1836	1841	1846	1851
223	282	303	275	288		332	321	313
1856	1861	1866	1872	1876	1881	1886	1891	1896
290	243	248	241	215	205	199	208	182
1901	1906	1911	1921	1926	1931	1936	1946	1954
179	170	162	143	159	161	144	121	116
1962	1968	1975	1982	1990	1999	2006	2007	2008
103	96	95	84	93	104	159	169	179 182
2009	2010
189 194	189 194
Fonts
Base Cassini de l'EHESS (recercar) - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion qu'èra de 242 abitants e la densitat qu'èra de 55,63 ab/km².

Lòcs e monuments

• Castèth deu sègle XV de bricas
• Glèisa de la Nativitat, entornejada per lo cementèri : campanari-mur de tipe rurau 1772 damb emban ; Verge deu Mainadòt de husta daurada debuta sègle XIX
• Molin de vent de Meu

Personalitats ligadas dab la comuna

Victor Maurici Garrigon

Victor Maurici Garrigon (Victor Maurice Garrigou tà l'estat civiu francés) qu'ei vadut a Bône (auèi Annaba en Argeria), lo 13 de seteme de 1846. Après aver obtengut son diplòma de bachelièr en Argeria, e vienguè har lo son dreit a Tolosa. Laureat de la facultat pendent las tres annadas de licéncia (1866, 1867 e 1868), que ho recebut doctor lo 15 de heurèr de 1872. La soa tèsi, engulhada per en Gustau Breçòlas (Gustave Bressolles) que porta com títol: Deu pagament deus deutes dens las successions ab intestat e testamentàrias, en dreit roman e en dreit francés. Estagiari al Barrèu, que i ganha la medalha Remanier, la recompensa suprèma d'aqueth estagi.

Au lòc de har-se inscríver sus lo tablèu de l'òrdre deus avocats, va tribalhar en un estudi de notari (au 3, carrièra del Pes de l'Òli de Tolosa)) en tot i har pendent d'aubuas annadas de primièr clerc. Que va aténher lo notariat lo 29 d'abriu de 1878, e n'estar successivement sòci e président de la Cramba deus notaris dera ciutat mondina.. Elegit a l'Acadèmia de legislacion de Tolosa (sòci ordinari en 1894, puish clavaire en 1900), que'u hen Cavalièr de la Legion d'Aunor e oficièr d'acadèmia.

Apuish lo son maridatge damb Augustina Maria Margarita d'Albis de Rasengas, hilha deu baron d'Albis de Rasengas (domiciliat au castèth de Rasengas, tocant l'Isla de Baish), està's que va au 20 de la plaça Sent Pantaleon.Que's moreish a Tolosa lo 7 de deceme de 1912.

L'Acadèmia de legislacion de Tolosa e va crear, en 1913, ua fondacion Maurici Garrigon, qui balharà cada an, aus tribalhs juridics mei remercables, « ua o mantua medalha d'aur, per ua valor de cent a tres cents francs ». Lo 11 de julhet d'aquera annada medisha, au dia inaugurau de la sesilha deu conselh de la Facultat de Dreit, lo decan Maurici Hennira e va liéger ua letra de la veusa d'en Maurici Garrigon que i anonciava la soa intencion de har ua renda annadèra a la Bibliotèca de la Facultat de Dreit de Tolosa :

<< " Car sénher decan,

En tot desirar que se perpetue la memòria del mieu car e tant escarit espós, Mèstre Maurici Garrigon, ai l'onor de vos avisar qu'ofrissi de donar a la Facultat de Dreit de Tolosa, un títol nominatiu de renda francesa de cinc cents francs, amb la sola carga d'obrir a la facultat un salon dels professors nomenat Sala Maurici Garrigon amai daissar a disposicion dels professors d'unes jornals e revistas que la fondacion que fau ara ne servirà coma fons d'abonament.

Vist que lo mieu marit s'èra servat dins l'arma una afeccion màger per la Facultat de Dreit de Tolosa, que ne foguèt el l'escolan e que li n'auriá tant agradat èsser un mèstre, n'es per ieu pro d'importància que lo còs professoral d'aquesta facultat li ne siá debitor d'aicesta modèrna comoditat.

Vos n'asseguri, car sénher decan, de mos sentiments los melhors.

Signat: A. d'Albis de Rasengas Garrigon

Tolosa, lo 10 de junh de 1913." >> ^[3].

Véser tanben

• Comunas de Gers

Ligams extèrnes

• Rasengas suu site de l'Insee