RnB

Lo RnB contemporanèu es un genre de musica populara occidentala, mai precisament aparegut en America del Nòrd (Estats Units e Canada).

RnB es oficialament l'acrònim de Rhythm and Blues, un estili musical qu'es aparegut dins las annadas 1940 als Estats Units e que lo ròck n'es lo derivat direct. Pasmens, en realitat, lo tèrme RnB es uèi mai sovent utilizat per definir un estili modèrn de musica afroamericana qu'es puslèu aparegut après la desaparicion del disco dins las annadas 1980.

Aquel novèl estili combina d'elements de soul, de funk (de disco tardiu), de hip-hop e quitament de dance. D'aquesta passa, objectivament, lo dich RnB contemporanèu a pas grand causa en comun ambe lo Rhythm and Blues original precursor del rock, es puslèu una musica pop ibrida disco hip-hop d'influéncia soul afroamerican pel cant e ambe de còps quitament d'elements de musica musica psiquedelica emprontadas al movement hippie de la fin de las annadas 1960.

Aital, d'artistas coma James Brown, Marvin Gaye, Stevie Wonder, George Clinton o Sly & the Family Stone son sovent citats coma precursors de l'estili RnB. Lo disco tardiu dich "funk" de las ananadas 1980 es tanben a la sorga del RnB contemporanèu. Un artista clau del RnB de las annadas 1980 es lo cantaire afroamerican Prince : son succès contribuèt de far del R&B contemporanèu un dels genres musicals mai populars de la musica americana dempuèi aquesta decada fins a uèi encara. De còps, los artistas RnB se reïvindican tanben eredèrs de Michael Jackson.

RnB

Qualquas artistas etiquetats RnB coneguts en Occitània

Wikiwand - on