Rudeu e Ladaussa

Rudeu e Ladaussa (Rudeau-Ladosse en francés) es una comuna d'Occitània, dins la region istorica de Perigòrd, situada dins lo departament de Dordonha de la region de Novela Aquitània, ancianament d'Aquitània.

Vilatge d'Occitània

Rudeu e Ladaussa Rudeau-Ladosse
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Lo chasteu de Bellussière.
Geografia fisica
Coordenadas	45° 28′ 52″ N, 0° 33′ 03″ E
Superfícia	13,74 km²
Altituds  · Maximala  · Mejana  · Minimala	203 m 170 m 115 m
Geografia politica
País	Perigòrd
Estat	França
Region 75	Novela Aquitània
Departament 24	Dordonha
Arrondiment 242	Nontronh
Canton 2419	Brantòsme de Perigòrd (Maruelh davant 2015)
Intercom 242400869	CC de Drona e Bela
Cònsol	Martine Desjardins (2020-2026)
Geografia umana
Populacion Populacion totala (2018)	159 ab. Evolucion de la populacion 162 ab.
Densitat	13,39 ab./km²
Autras informacions
Còde postal	24340
Còde INSEE	24221

Geografia

Comunas a l'entorn.

Rudeu es sus una tuqueta près de la RD 708 (anciana RN 708) e Ladaussa (nom dobtós, veire la partida toponimia) sus lo chamin entre Sent Soplesí de Maruelh e Baussat. Rudeu es aura pus grand que Ladaussa. La comuna es traversada per un riu, Nisona o Lisona (noms probables) e tant Rudeu coma Ladaussa son a proximitat d'aqueu riu.

Perimètre dau territòri

		Conasac	Luçac e Nontroneu
	Baussat	N
		O    Rudeu e Ladaussa    E
		S
	Puei Rainier	Sent Soplesí de Maruelh

Toponimia

• La prononciacion seriá [ry’dɛw] (e) [la’dawʂɒ], sus lo site Le nom occitan des communes du Périgòrd. Mas l'enregistrament ( d'una persona locala o d'un occitanista charjat d'aquela tascha ? pusleu d'una persona locala, estant que i a una contradiccion emb la prononciacion teorica) es [ry’dɛw e [la’dowʂɒ] (emb un [-o-] mejan) ^[1].

• Ladaussa es atestat au segle XVI, çò qu'es plan tard, escrit Ladousse. Mas lo luèc èra abitat dempuei au mens l'Edat Mejana. Lo nom poiriá venir d'un nom de persona d'origina gallesa, Lato o *Latus, « acompanhat d'un sufixe aquitan » ^[2] [çò que sembla malaisat], o d'un nom de persona en Latau ^[1]. En realitat, la prononciacion enregistrada fai comprener autrament l'atestacion dau segle XVI e son -ou-, que cherchava a representar, non pas lo son [-u-], mas pusleu quauqua ren coma [-ow-] o [- ɔw-], un son que los escribas avián sovent de la pena a escriure (es ni dins lo latin, ni dins lo francés). Fai comprener tanben las curiosas balanças dins la grafia oficiala dau toponime (la Dosse per Cassini ^[3], Ladausse en 1793, Ladosse en 1801 ^[4]). Per un cas un pauc semblable d'ambigüitat grafica, veire Solaura. Arribat a queu puench, òm es forçat de pensar a Dòuça, interpretat per Bénédicte Boyrie-Fénié coma *Dolikia ['dolikia] (accent sus la prumiera sillaba), derivat sufixat de la raiç idronimica dol-. Lo supausat Ladaussa, que faudriá benleu escriure La Douça o La Dòuça, es pas dins una comba, que justificariá un idronime (nom de riu), mas i a una vau significativa a quauques centenats de mètres au sud-oèst, la de Nisona, e una comba afluenta au sud-èst; Douça o Dòuça èra benlèu los noms locaus d'aqueu riu, o pusleu un mot que voliá dire « riu » (comparar emb lo Docet, a Esclòtas, en Vasadés).

• Rudeu seriá lo mesme mot que los nombrós Rudelle (nom francés) o Rudèla (nom occitan) dau Perigòrd. Rudèla vendriá dau latin rotella, diminutiu de rota, « ròda ». La motivacion seriá la fòrma redonda dau vilatge. Mas i a pas de certitud, estant que lo nom es coneissut tardivament ^[2]. Autra possibilitat : un nom de persona escur ^[1]; solide que lo nom fai pensar a Jaufré Rudèl, pas tant escur qu'aquò... Lo nom de familha Rudeau, varianta probabla de Rudèl (Rudèl > Rudèu > Rudeu), es especialement present en Perigòrd ^[5]. L'abséncia de fòrmas ancianas e d'estatut de paròfia d'Ancian Regime militan per la « proprietat dau sénher Rudeu ».

Istòria

Sus la mapa de Cassini, La Dosse (nom francés) es marcat coma paròfia e Rudeau coma un simple vilatjon; i a tanben un B. de Rudeau (Bòsc de Rudeu) ^[3]. En 1793, la municipalitat es Ladausse, puei en 1801 Ladosse. En 1950, l'equilibri es inversat e la comuna chamnha de nom en Rudeau-Ladosse ^[4]. La maison comuna es a Rudeu. La gleisa de Rudeu es dau segle XIX e probable que davant n'i aviá pas.

Administracion

Lista daus cònsols successius

Periòde		Identitat	Etiqueta	Qualitat
2014	2026	Martine Desjardins
junh de 1995 [6]	2014	Jean-Claude Rougier	sens	retirat agricòla
	1995
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra dau canton de Maruelh; es aura dau canton de Brantòsme de Perigòrd.

Demografia

modificar « persona »  v · d · m  Evolucion demografica Populacion comunala actuala (2013): 184, totala: 187
1793	1800	1806	1821	1831	1836	1841	1846	1851
443	384	386	414	407	494	433	456	484
1856	1861	1866	1872	1876	1881	1886	1891	1896
459	446	455	411	416	417	416	433	358
1901	1906	1911	1921	1926	1931	1936	1946	1954
376	376	379	294	329	312	292	307	389
1962	1968	1975	1982	1990	1999	2006	2007	2008
348	268	262	245	216	157	167	167	170 173
2009	2010
174 177	178 181
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

Luòcs e monuments

Personalitats ligadas emb la comuna

Veire tanben

• Comunas de Dordonha

Ligams extèrnes