Sabadell

Sabadell ei eth co-caplòc dera comarca de Valés Occidentau juntament damb Terrassa, dens la província espanhòla de Barcelona, en Catalonha. Ei situada a 20 km de Barcelona, gaireben ar òrle deth flum Ripoll. Eth municipi ei eth mès important centre dera indústria textila dera lana d'Espanha, tanben sedença d'entrepreses ena indústria metallurgica.

Sabadell

Sabadell (ca)
(Bandèra) (Escut d'armas)
Nòm oficiau	Sabadell (ca)[1]
Administracion
Capitau	Sabadell
Capitau de	Valés Occidental
Lengua oficiau	catalan
Politica
• Cònsol màger	Marta Farrés i Falgueras (ca) (2019–)
Geografia
41° 32′ 54″ N, 2° 06′ 27″ E
Estat	Espanha
Comunautat autonòma	Catalonha
Província	provincia de Barcelona
Domeni foncional territorial	Àmbit metropolità de Barcelona
Comarca	Valés Occidental
Superfícia	37,8 km²[2]
Altitud mejana	190 m[2]
Hus orari	UTC+01:00 (ora estandard) UTC+02:00 (ora d'estiu)
Demografia
• Totala	222 177[3] ab. (2024 )
• Densitat	5 877,7 ab./km²
Economia
Moneda	Èuro
Istòria
Pairinatge	Sant Fèlix de Girona
Autes informacions
Còdi postau	08200–08208
Prefix telefonic	93
Sit web	sabadell.cat

Toponimia

Eras fòrmes ancianes son Sauesello, en 955, Sabadello, en 978, Sabatellum, en 1024, Sabbatelli en 1140 ^[4].

Una teoria explica eth toponim de Sabadell per un ancian mercat deth dissabte supausat, tot com per El Vendrell per un mercat deth diuendres (mès eth nòm d'aquesta darrèra vila pòt aver son origina dens Venerellus, deth latin Venere, «Vènus»^[5]). En realitat, es dus Sabadèl, Sabadell catalan, Sembadèl (o ara -dèu), Samadèth, tot aiçò sembla de formar una seria coërenta, quitament s'ei toponimistes penan a explicar-os (mès i a de nòms galleses en Sap-). Era proposicion de Negre per Sabadèl de la Tronquièra e per Sabadèl del Causse, citada per Basalgas, Sabodellus, sembla una badinada s'ei pas una error (auriá donat regularament *Savosèl) e una autra explicacion per una rasic idronomica preceltica, sabb-, + -at + -ellum ^[6], ei d'aitant mès arbitrària que Sabadèl de la Tronquièra es sus una sèrra. Sabadell s'explicariá benlèu, tot com Collsabadell, per un nòm d'òme Sabbatellum, confirmat, per un nòm personau de femna, Sabatella, en 985 ^[7] (probablament sense rapòrt damb dissabte).