Salanhac e Aivigas

Salanhac e Aivigas (Salignac-Eyvigues en francés) es una comuna d'Occitània, dins la region istorica de Perigòrd, administrada per lo departament de Dordonha de la region de Novèla Aquitània, ancianament d'Aquitània.

Non confondre amb Salanhac.

Vilatge d'Occitània

Salanhac e Aivigas Salignac-Eyvigues
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Lo castèl de Salanhac.
Armas
Geografia fisica
Coordenadas	44° 58′ 31″ N, 1° 19′ 24″ E
Superfícia	45,00 km²
Altituds  · Maximala  · Mejana  · Minimala	314 m 295 m 120 m
Geografia politica
País	Perigòrd
Parçan	Perigòrd Negre
Estat	França
Region 75	Novèla Aquitània
Departament 24	Dordonha
Arrondiment 244	Sarlat e La Canedat
Canton 2435	Terrasson e La Vila Diu (capluòc del Canton de Salanhac e Aivigas abans 2015)
Intercom 242400893	CC del País de Fenelon (residéncia)
Cònsol	Stéphane Laurent-Secrestat (2020-2026)
Geografia umana
Populacion Populacion totala (2018)	1 173 ab. Evolucion de la populacion 1 227 ab.
Densitat	25,71 ab./km²
Autras informacions
Còde postal	24590
Còde INSEE	24516

Geografia

Comunas a l'entorn.

Perimètre del territòri

Comunas confrontantas de Salanhac e Aivigas

Sent Geniés	Paulinh	Boresa
Sent Crespin e Carlucet
Senta Nalena	Cimairòls Orlhaguet	Pairilhac e Milhac Solhac (Òlt)

• la comuna tòca pas Prats de Carluç, mas de gaire.

Toponimia

Salanhac

Panèl d'intrada a Salanhac.

La prononciacion es [ʂɒlɒ’ɲa] ^[1] Las fòrmas ancianas son Salenac, en 1115, Salaihnach, en 1122, Salignhac, en 1450. Puslèu que de Sallinius (Dauzat e Rostaing), lo nom sembla venir de Salanius, emb lo sufixe -acu(m) , latinizacion del sufixe gallés -āco(n). Salanhac èra donc probablament una anciana granda propietat antica qu'aviá per mèstre Salanius. Lo nom balança entre Salanhac e Salinhac (encara en 1793, lo nom èra oficialament Salagnac, puèi venguèt Salignac), mas puslèu que d'imaginar una influéncia del nom latin Sallinius o del vilatge de Salinhac (Gironda) ^{[2],[1],[3],[4]}, cal explicar la tendéncia a prononciar Salinhac per una dissimilacion, fenomèn banal en occitan quand un nom de luòc a tres vocalas semblablas.

Aivigas

Panèl d'intrada a Aivigas.

La prononciacion es [ɒj’vigɒ] ^[1]. Las fòrmas ancianas son Parochia d'Ayguigas, en 1031, Eyvignas, Acvigas, en 1323, Ivignas en 1326 e Evignas dins la siguda del sègle XIV. Chantal Tanet e Tristan Hordé, que, coma de costuma, an negligit de s'informar de la fòrma del nom dins la lenga autoctòna, postulan a las vinhas, contractat coma dins l'oèst del departament (as [ɛj] vinhas) ^[2]; Dauzat se garda de tota interpretacion, perqué las atestacions son contradictòrias ^[5]. Probable que lo nom autentic semblava curiós als escribas, aquí perqué faguèron jogar l'atraccion de vinhas, que demorèt dins lo nom oficial d'aquí a 2001. Qué pensar, pr'aquó, de la fòrma de 1031 ? Cacografia ? Probable, mas se sap pas.

Se remarca que Aivigas fai partida dels noms de luòcs que començan per Ai-, que son situats a una frontièra de pòble gallés, mai que mai a l'entorn de Perigòrd, que son pas explicats o que son sols del meteis nom (Aidon, Aineça, Aimet) en mai dels Aigurandas. Idèa de « frontièra » ? En isolant l'element ai- comun a tots, i a un mot gallés que convendriá per la segonda partida : uic(o)-, -uices, « combatent(s), venceire(s) » ^[6]. La fòrma femenina del nom poiriá venir d'un villa sosentendut e lo plural, encara pus eventualament, d'un collectiu. Aquelas reflexions son pas que d'ipotèsis aventuradas.

Aibena

Las fòrmas ancianas son Vicus de Haebene en 1322, puèi Eybena en 1325; Tanet e Hordé tròban pas de solucion e gausan pr'aquò un nom germanic seguit del sufixe -ing(os) ^[2], mas -ingos femenizat auriá pas donat una finala -ena al sègle XIV. Dauzat suggerís l'exemple d'Eybens, que n'explica lo sufixe pel gallés -inco o pel germanic -ing ^[7].

Pr'amor de l'atestacion de 1322, Aibena fai benlèu pas partida dels noms en -Ai relevats a prepaus d'Aivigas. Pr'aquò, s'èra d'aquela familha, lo segond element poiriá èsser lo gallés penno-, « cap, extremitat », emb sonorizacion normala de -p- en posicion (venguda) intervocalica.

Istòria

• En 1965, Salanhac annexèt Aivigas e Aibena ^[8]
• la comuna èra capluòc de son canton de la Revolucion a 2015

Administracion

Lista dels cònsols successius

Periòde		Identitat	Etiqueta	Qualitat
mai de 2020	2026	Stéphane Laurent-Secrestat		escrivan
junh 1995	2020	Jean-Pierre Dubois	UMP, LR	engenhaire
1979	1995	Jean-Claude Cavé	PS	veterinari
1965	1979	Marcel Cantelaube	MRG	notari
	1965
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra capluòc del canton de Salanhac e Aivigas; es ara del [[canton de Terrasson e La Vila Diu.

Demografia

modificar « persona »  v · d · m  Evolucion demografica Populacion comunala actuala (2013): 1157, totala: 1229
1793	1800	1806	1821	1831	1836	1841	1846	1851
1 131	1 184	1 101	1 136	1 111	1 198	1 286	1 430	1 516
1856	1861	1866	1872	1876	1881	1886	1891	1896
1 353	1 362	1 281	1 253	1 302	1 297	1 304	1 302	1 262
1901	1906	1911	1921	1926	1931	1936	1946	1954
1 194	1 161	1 044	937	894	879	896	918	857
1962	1968	1975	1982	1990	1999	2006	2007	2008
769	888	863	942	964	1 008	1 116	1 128	1 140 1 199
2009	2010
1 141 1 200	1 139 1 206
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

Luòcs e monuments

• Jardins de l'Ostalàs d'Eirinhac.

Personalitats ligadas amb la comuna

• Guiraud de Salanhac, trobador del sègle XII

Veire tanben

• Comunas de Dordonha

Ligams extèrnes