Sequoiadendron giganteum

Lo sequòia gigant (Sequoiadendron giganteum) o wellingtonia es la sola espècia viventa del genre Sequoiadendron e l'una de las tres espècias de conifèrs conegudas jol nom de sequòias, classadas dins la familha de las Cupressaceae e la sosfamilha de las Sequoioideae, aital coma Sequoia sempervirens (sequòias costièrs) e Metasequoia glyptostroboides (sequòias de China). Los especimèns de sequòia gigant son los arbres mai massises de la planeta. En anglés (pr'amor qu'existís dos mots comuns vernaculars pels arbres de las Sequoioideae, "redwood" e "sequoia"), l'usatge corrent del nom "sequoia" fach generalament referéncia a Sequoiadendron giganteum, qu'existís naturalament sonque dins los bosquets situats suls versants occidentals de las montanhas de la Sierra Nevada en Califòrnia.