Sidòbre

Sidòbre es un massís granitic boscassut del Massís Central e un parçan d'Occitània^[1] situat en Lengadòc (departament de Tarn) entre Montanha Negra e Monts de La Cauna.

Sidòbre

Tipe	Region naturala de França e contrada d'Occitània
Localizacion
Estat	França
Donadas
Altitud	707 m
Superfícia	88 km²
Material	granit

Sa vila principala es Ròcacorba. Sidòbre es situat al dintre del Pargue Natural Regional del Naut Lengadòc. L'erosion i daissèt qualques sites naturals remirables coma:

• "La Pèira clavada": un blòt de 780 tonas quilhat en equilibri sus un peiron.
• "Lo caòs de la Ressa": un riu de ròcas.
• "Lo lac del mèrle", lac que n'emergisson de ròcas arredondidas.
• "La Ròca de l'auca", blòt que sembla una auca.

D'entrepresas i esplechan la barena, mai que mai a La Croseta. D'unas obtenguèron de mercats importants, coma lo del mètro de Singapor.