Sobrarb

Sobrarb^[2] (en aragonés SLA/GO: o Sobrarbe, el Sobrarbe;^{[nt 1]} en catalan: Sobrarb; en castelhan: Sobrarbe) ei ua comarca deu Haut Aragon, situat dens lo nòrd de la província d'Òsca, inclusent sosparçans naturaus (e tradicionaus) coma la Vath de La Fueva, Gistau, las Vaths de Bielsa, lo dit Vielh Sobrarb, lo Baish Sobrarb, las vaths d'Ara e de Cinca, las vaths de Puertolas, de Vio e de la Solana de Burgasé, l'arribèra de Fiscal e la Tierra d'o Buxo (valent a dire "tèrra deu boish").

Sobrarb

Administracion
Capitau	Boltaña
Geografia
42° 27′ N, 0° 09′ O
Estat	Espanha
Comunautat autonòma	Aragon
Província	Província d'Òsca
Superfícia	2 202,7 km²
Demografia
• Totala	7 870[1] ab. (2024 )
• Densitat	3,57 ab./km²

Sobrarb que horneish un deus tres comtats originaus que hasèvan part deu reiaume d'Aragon. Lo son caplòc administratiu qu'ei Boltaña e lo son caplòc istoric e tradicionau qu'estó la vila de L'Aínsa. Sobrarb qu'ei ansin un parçan de parçans de natura montanhòla, que's tròba dens la conca entre los Pirenèus mei elevats deu nòrd e las sèrras deus Prepirenèus oscans deu sud, on per l'obligacion de la soa geografia tota activitat, cultura, vita e societat tradicionaus avèvan ben versat, dab pichòtas diferéncias entre los parçans, vèrs los sons dos èishs fluviaus: la Vath d'Ara e la Vath de Cinca.

Lo gentilici qu'ei sobrabenc -a (en aragonés: sobrarbenco -a).

Nòtas

1. Abitualament conegut dab l'article definit dens los dialèctes belsetan e gistavin de l'aragonés.