Superbus

Superbus es un grop de pop ròck francés parisenc plan popular fondat en 1999 per la cantaira Jennifer Ayache.

Superbus en 2010

Biografia

Jennifer Ayache a d'originas occitanas del costat de sa maire, la famosa comediana e umorista Chantal Lauby.

A despart lo fach de cantar mai que mai en francés, l'estil musical de Superbus se sarra fòrça d'aquel de la scèna americana post grunge e power pop de la fin de las annadas 90 e del debut de las annadas 2000, e aital, en mai d'aver tanben una dròlla al cant, son sovent comparats a Garbage, No Doubt o Avril Lavigne.

Lo grop publiquèt un primièr album Aéromusical en 2002, puèi un segond Pop'n'Gum en 2004. Al moment de Wow, lor tresen album sortit en 2006, Superbus deven d'ara enlà benlèu lo grop rock francés mai popular del moment gràcias als tubes Butterfly^[1] e Lola en 2007^[2].

En 2009 sortís l'album Lova Lova, que coneis el tanben una gròssa capitada : un còp mai, las cançons Addictions^[3] e Apprends-moi^[4] son tubes en França tota.

En 2015, fan una represa remarcada de la cançon Un autre monde de Téléphone^[5].

Discografia

• 2002: Aéromusical
• 2004: Pop'n'Gum
• 2006: Wow
• 2009: Lova lova
• 2012: Sunset
• 2016: Sixtape

Cançons mai conegudas

• Radio song (2004)
• Butterfly (2007)
• Lola (2007, tornamai ambe Hoshi e Nicola Sirkis en 2025)
• Travel the world (2007)
• Ça mousse (2008)
• Addictions (2009)
• Apprends-moi (2009)
• Un autre monde (2015, represa de Téléphone)