Tamarron

Lo tamarron, tamarro^[1][2], tamaron^[3], tamarre es una bèstia imaginària fòrça espandida dins las legendas e fablas de la mitologia en Occitània e Catalonha (Pirenèus, Aubrac, Roèrgue...)

Representacion d'un tamarron dins son abitat natural, lo flanc d'una montanha.

Uèi lo jorn la legenda evoluiguèt en fèsta, e la bèstia se ven tanben un animal totemic.

Dins la majoritat dels cases, es equivalent al daüt (en lengadocian^[4] e vivaroaupenc^[5]) o lo dahut (en gascon)^[6]

Tradicions

Animal totemic

• Lo tamarro (grafia locala) un dels animals totemics de Vendargues.^[7]
• Es tanben un dels animals totemics de Pesenàs.^[3]

La caça al tamarron

Dins aqueles païses es abitual de galejar los toristas en lor explicar que lo tamarro es una bèstia que cal caçar de nuèch e en grop. Per aquò far, los joves s'amassan amb lo novèl caçaire (o caçaires) que sortís amb lo grop de nuèch per caçar lo tamarro sens, logicament, l'aver jamai vist. La bèstia es totjorn descrita a las victimas de la galejada coma un animal d'aspècte fòrça estranh (per exemple se diu que lo tamarro viu pels pendisses de las montanhas e que per aquesta rason ten las doas patas del costat drech pus cortas que las del costat esquèrre). Après qualques corregudas pels camps e bòsques amb de bastons, amb doas pèiras que se fan picar coma reclam e amb de sacs per prene l'animal (sovent amb d'estancadas estrategicas per beure un còp de vin e per planificar l'estrategia de caça), la caça normalament s'acaba amb un banh d'aiga del novèl caçaire quand la rèsta del grop complotaire lo fa passar jos un arbre ont l'espèran amb un ferrat d'aiga. Pòt tanben s'acabar amb d'autras badinadas. I a fòrça variantas de la caça del tamarro, mas totas s'acaban amb la riseta generala del grop qu'a passat la nuèch en fasent córrer la victima amont e aval.

Aquesta seccion es voida, pas pro detalhada o incompleta. Vòstra ajuda es benvenguda !

En cultura populara

• I a un grop de musica occitan cridat Fin Tamarro.^[2]
• I a un autre grop de musica occitan cridat los Fadas du Tamarou (en francés)^[8] o los Fadàs del Tamaron (en occitan).

Equivalents

Es conegut en França, Occitània, los Païses Catalans, Arpitània, Soïssa, Piemont e Lombardia.

Los seus equivalents son lo dahu francés, lo dàu lombard, lo tamarró catalan, etc.