Taos

Taos es una vila dins la region centre-nòrd de Nòu Mexic dins las montanhas Sangre de Cristo. La vila foguèt fondada pel governador de Nuevo México Fernando Chacón en 1795, per servir de plaça enfortida e d'abans-pòsta comercial pels amerindians e las comunitats ispanicas vesins.

Taos
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Geografia fisica
Emplaçament
Coordenadas	36° 23′ 38″ N, 105° 34′ 36″ O
Superfícia	13.9 km²
Geografia administrativa
País	Estats Units
Estat	Nòu Mexic
Comtat	Comtat de Taos
Cònsol	Daniel R. Barrone
Geografia umana
Populacion (2010)	5 716
Densitat	410 ab./km²
Autras informacions
Fondacion	1795
Fus orari	MST (UTC -7)
http://www.taosgov.com/

Taos es situat a proximitat del pueblo de Taos, lo vilatge de la tribu amerindiana dont pòrta lo nom. Lo mot «taos» significa «sause roge» en lengas kiowa-tanoanas.

Colonia artistica de Taos

Dempuèi la fin del sègle XIX, la vila de Taos venguèt un centre artistic important, amb de nombroses artistas americans e estrangièrs en residéncia temporària o permanenta a Taos.

Los artistas foguèron atraches a Taos, a l'encòp per las caracteristicas visualament espectacularas de la region, per la preséncia de la colonia artistica en expansion e per l'influéncia de Mabel Dodge Luhan, una rica eiretièra de Buffalo, Nòva York qu'aviá possedit dels salons d'art a Florença e a Manhattan abans de s'establir a Taos en 1919, ont esposèt en 1923 un òme d'origina amerindiana, Antonio Lujan e faguèt bastir un ostal, mantenent designada luòc istoric nacional. Pendent mantas decadas, i convidèt d'artistas, dels escrivans e d'autres creadors, dont D. H. Lawrence, Ansel Adams, Georgia O'Keeffe, Alfred Stieglitz e Andrew Dasburg. Mantes de sos convidats demorèron a Taos e la colonia artistica s'i espandiguèt.

D'autres artistas contemporanèus reputats avent sojornat e trabalhat a Taos comprenen Richard Diebenkorn, Mark Rothko, Ad Reinhardt, Clyfford Still e Morris Graves.