Tarentola mauritanica
From Wikipedia, the free encyclopedia
Remove ads
La taranta comuna (Tarentola mauritanica, Linné, 1758) es una espècia de taranta presenta dins lo bacin mediterranèu.
Es una taranta caracterizada per sa pupilla verticala. De talha mejana (15 cm max.) amb una coa relativament lònga, a una pèu cubèrta de protuberàncias que li dònan un aspècte rabasset e rugós. Sa color varia durant la jornada entre lo biset clar e lo brun sorn segon lei variacions intèrnas de la temperatura de l'organisme. An d'onglas sus lei tresen e quatren dets. Lei joinets presentan tanben sovent de bendas transversalas sornas. Lei mascles son generalament pus gròs que lei femèlas mai la diferenciacion entre lei dos sèxes es malaisada d'observar.
Vivent dins leis endrechs peirós, la taranta comuna es un reptil nuechenc que caça activament d'insèctes e de larvas gràcias a un odorat fòrça desvolopat, una vision bòna e una capacitat de se desplaçar rapidament sus totei lei tipes de superficia[1]. Ben adaptada ai mitans urbans, s'observa sovent a proximitat deis esclairatges qu'atiran sei presas.
Remove ads
Liames intèrnes
- Gekko.
Bibliografia
Nòtas e referéncias
Wikiwand - on
Seamless Wikipedia browsing. On steroids.
Remove ads