Òrdi deu Temple

L'Òrdi deu Temple (var. Òrdre deu Temple, Òrdre del Temple, Òrdre dau Temple, Òrdre deu Temple) o Òrdi deus Companhs Sordats deu Crist e deu Temple de Salamon, mei conegut com los Templèrs (var. Templièrs, Templiers, Templèirs) que ho un òrdi religiós catolic de cavalèrs encargats d'emparar los romius e qui ho actiu durant las guèrras en Tèrra Santa entà emparar los Estats Latins d'Orient.

Sagèth deus Templèrs

En Euròpa, que desvolopèn ua ret de Comanderias on podèvan acessar los romius contra argent. Que vadón atau hèra actius suu plan economic tanben, e poderós.

Dab la fin deus Estats Romans d'Orient, la loa activitat economica que vadó hèra dominanta suber la loa capacitat militara au medish temps que la mes·hidança entà eths creishè. Lo rei Felip IV de França qui'us devèva ua soma importanta d'argent que'n obtiengó la loa condemnacion. Lo lor darrèr Gran Mèste, Jacques de Molay, que ho cremat a París en 1314.