Terra preta

La terra preta ; literalament « tèrra negra »), dicha tanben tèrra negra amazoniana o tèrra negra dels Indians dins la literatura scientifica^[1], es un antrosòl^[2], un tipe de sòl escur amazonian. D’origina umana e d'una fertilitat excepcionala deguda a de concentracions particularament elevadas en carbon de lenha, en matèria organica e en nutriments (especialament azòt, lo fosfòr, lo potassi e lo calci)^[3], conten una quantitat remarcabla de tèstes de terralha^[4], e l'activitat microorganica i es fòrça desvolopada. La terra mulata es un autre tipe d'antrosòl que li es generalament associat.

Terra preta.

Aquestes sòls foguèron en màger part creats per l’òme entre −800 e 500^[5], los pus vièlhs remontant a −2800^[6]. Son doncas d'origina precolombiana. De milièrs d'annadas après sa creacion, son tant reputats al Brasil que son recoltats e venduts coma terranha de rempotar (veire pedologia). Sa pigondor pòt anar entrò dos mètres^[6].

Les estendudas de terra preta son generalament enrodadas de sòls infertils, principalament l'oxisòl^[3], mas tanben ferralsòls, acrisòls e arenosòls^[7].