The Animals

The Animals (Las Bèstias, Los Animals) es un grop anglés de ròck emblematic de las annadas 1960 coma los Rolling Stones o los Beatles : Fan partida dels qu'an popularizat en Euròpa l'estili rhythm and blues american.

A la debuta de las annadas 1960, Alan Price, John Steel, Chas Chandler e Hilton Valentine jògan cada fin de setmana a Newcastle upon Tyne (al Nòrd d'Anglatèrra) dins una orquestra de jazz que se sona Alan Price Combo (del nom del cantaire). Son lèu rejonches pel cantaire Eric Burdon, un passionat de blues e de rhythm and blues : Eric Burdon fa alavetz evoluar lo grop cap a n'aquela direccion musicala. The Animals ven lo nom oficial del grop a partir de 1963.

En 1964, Los Animals signan a Londres (Anglatèrra) dins un ostal de disques e enregistran alavetz lors primièras cançons en estúdio. Obtenon còp-sec una gròs succès internacional ambe lor adaptacion del tròç tradicional american The House of the Rising Sun. En França, la cançon es adapatada la meteissa annada en francés e interpretada ambe fòrça succès tanben per Johnny Hallyday jol títol Le pénitencier.

Pendent las doas annadas que seguisson, Los Animals encadenan los succèsses, ambe per exemple las represas de Don't Let Me Be Misunderstood de Nina Simone o de Boom Boom de John Lee Hooker.