Tindouf

Tindouf es una vila d'Argeria, capitala de la provincia de Tindouf, amb una poblacion de 56.906 ^[1] abitants en 2009. Situada aprèp de divèrsas basas militaras argerianas, e tanben del Sahara Occidental, qu'an los camps de refugiats de la provincia de Tindouf dirigits per lo Front Polisario, on i demoran 200.000 saharauis fa mai de 30 ans, mentre demoran la resolucion del conflicte del Sahara Occidental.^[2]

En la vila argeriana de Tindouf i demoran mai de 200.000 refugiats saharauis que demoran la resolucion del conflicte amb lo Marròc.

En lo nòrd-oèst de la vila, i a un aeropòrt amb vols d'Air Algérie regulars dinc a Argèr e d'autas vilas. Dins lo territòri de la vila de Tindouf, se tròba Gara Djebilet, un lòc aprèp de la termièra amb Mauritània amb una mina de fèrre e un ancian aeropòrt. Es situat aperaquí 70 Km al nòrd-oèst d'Aet Legra.

Istòria

La vila de Tindouf se construïguèt aprèp d'un oasi saharian isolat en 1852 per membres de la tribú Tajakant, mès foguèt pilhada e destruïda per la tribú Reguibat en 1895. Demorèt desèrt dinc a l'arrivada dels franceses en 1934. Des de l'independéncia argeriana en 1962, la vila a crescut duna forma importanta, p'amor de la sieuna importáncia com a darrièr vilatge avans d'arribar a la termièra de Marròc e Mauritània.

Tindouf es un bon objectiu economic. En la sieuna region i a un jaciment de mineral de fèrre, plan important e de plan bona qualitat. Com qu'es un lòc plan aprèp de la termièra, pendent 1960 i aguèt divèrses conflictes per contrarotlar Tindouf, especialament en 1963. En 1980 aviá una poblacion de 6.500 abitants. En l'airau de Tinduf se trobon los campaments de refugiats saharauis.