Titoff

Christophe Junca, dich Titoff (diminutiu de Christophe), es un umorista e actor occitan francofòn nascut lo 18 de julhet de 1972 a Marselha (Provença).

L'umorista provençal Titoff (Christophe Junca) aquí en 2013

Biografia

Occitan de Provença per son paire marselhés, Christophe Junca a d'originas Pès negres per sa maire qu'es nascuda a Oran, en Argeria. A un fraire ainat, Laurent Junca, nascut en 1968.

Dins son enfança, Christophe vòl venir fotbolaire, al pòst de portièr. Pendent son adolescéncia, al club de fotbòl de Boc, a aital l'escasença de jogar ambe e contra un autre dròlle de son edat, Zinedine Zidane, qui el vendrà un dels mai grands fotbolaire de sa generacion.

Abandona pauc a pauc lo fotbòl e comença en 1989 a prene de corses de comèdia. A partir de 1990, debuta dins l'espectacle ambe doas scenetas escrichas per son fraire Laurent que ròda justament sus la scèna del restaurant del dich fraire a Sant Tropetz. Comença tanben de far un pauc de scèna al Chocolat-Théâtre de Marselha de Claude Prévost.

Fonda lo grop de comedians Los Locos ambe Anthony Sajan-Parker, Jean-Jerôme Esposito, Clara Michel e Réda Ben Hassen.

Après una annada e mièja de creacions d'espectacles jogats dins diferentas scènas e teatres marselheses, Anthony Sajan-Parker e Clara Michel quitan Los Locos. Lo grop recruta alavetz una comediana novèla e fan alavetz una primièra aparicion a la television francesa dins l'emission Studio Gabriel de Michel Drucker.

Titoff fa son primièr espectacle en sòlo al Chocolat-Théâtre a Marselha en agost de 1995.

Tre l'annada 2000, comença una virada de las salas parisencas. Thierry Ardisson, animator popular a la television francesa, lo remarca e li prepausa alavetz de participar a son emission lo dissabte coma umorista, en li demandant d'intervenir en improvisant d'ironia instantanèa. L'emission lo revèla al monde. A la meteissa epòca, jòga son espectacle a París al teatre del Palais des Glaces, puèi fa L'Olympia. En seguida, quita l'emission de Thierry Ardisson per se consacrar ambe succès al cinèma.

Filmografia

Annadas 1990

• 1997 : Marius et Jeannette de Robert Guédiguian (simplament coma figurant)

Annadas 2000

• 2000 : Comme un aimant d'Akhenaton e Kamel Saleh
• 2001 : Les Jolies Choses de Gilles Paquet-Brenner
• 2003 : Gomez et Tavarès de Gilles Paquet-Brenner
• 2003 : Rencontre avec le dragon d'Hélène Angel
• 2004 : L'Incruste, fallait pas le laisser entrer ! d'Alexandre Castagnetti e Corentin Julius
• 2005 : Cavalcade de Steve Suissa
• 2005 : Convivium de Michaël Nakache
• 2007 : Gomez vs Tavarès de Gilles Paquet-Brenner e Cyril Sebas
• 2007 : Tous à l'Ouest, filme d'animacion d'Olivier Jean Marie (votz de Monsieur Pierre)

Annadas 2020

• 2022 : Les Gagnants de Laurent Junca e Azedine Bendjilali
• 2023 : Les Déguns 2 de Cyrille Droux et Claude Zidi Jr.