Ubaia

Ubaia es una vau dels Aups e un parçan d'Occitània^[1]; se situa en Provença, dins la zona vivaroaupenca. Administrativament, es compresa dins lo departament dels Aups d'Auta Provença e compta aperaquí 7700 abitants.

Part oèst de la vau d'Ubaia

Sa vila principala es Barciloneta.

Geografia

La vau d'Ubaia es una vau d'origina glaciària^[2]; la riba drecha d'Ubaia es solelhada e cultivada (adrech), la riba senèstra es ombrada e forestièra (envèrs). Son altitud va de 771 mètres au ponch plus bas de la comuna dau Lauset, entrò 2 655 mètres a la font d'Ubaia (lac dau Longet). Son trescòl es l'Aigulha de Chambeiron ambé 3 412 mètres d'altitud. La vau d'Ubaia e sas dependéncias an una superfícia totala de 93 962 ectaras.