Ubuntu

Ubuntu es un sistèma operatiu liure GNU/Linux sostengut per la Fondacion Ubuntu e la societat Canonical.

Ubuntu
Tipe	sistèma operatiu, logicial liure
Desvolopaire/s	Canonical Ltd.
Version establa	24.04.2 LTS (20 de febrièr de 2025) 25.04 (17 d'abril de 2025)
Distribuidor/s	Microsoft Store (ca) e BitTorrent (ca)
Ficha tecnica
Plataforma	x86_64 (ca) , x86 (ca) , ARM (ca) , ppc64 (fr) , IBM S/390 (ca) e RISC-V (ca)
Lengatge	C++, C, Shell script (ca) e Python
Disponible en	multilingüisme
ubuntu.com

Presentacion

Mot banto

Ubuntu es un mot banto que cuèrb un concèpte fòrça general, intradusible en occitan. D'unes traduson lo mot per: « umanitat pels autres ».

I a una definicion comuna que nos balha lo sens la qualitat inerenta al fach d'èsser una persona amb d'autras personas. Doncas Ubuntu significa : « soi çò que soi perque sètz çò que sètz » o encara : « soi çò que soi gràcias a çò que sèm totes » (traduccion de : "I am what I am because of who we all are").

Istòria

Le tèrme ubuntu es ligat a l'apartheid en Africa del Sud. En 1995, la Comission vertat e reconciliacion dirigida per Desmond Tutu se donèt per objectiu d'amnistiar individualament los autors de violacions dels Dreches de l'Òme. En cambi, aqueles s'engatgèron a revelar totas lors accions. La procedura fa resson a la Constitucion de 1993, qu'enóncia lo « besonh d'ubuntu e non pas de victimizacion ».

Distribucion Linux

Ubuntu Linux foguèt causit coma nom per una distribucion de Linux, començada pel sud-african Mark Shuttleworth e basada sus la populara distribucion Debian. Son nom complet es Ubuntu Linux.

Es possible d'ajudar a traduire Ubuntu en occitan : https://web.archive.org/web/20210304183213/https://totenoc.eu/.

Ligams extèrnes

• (en) Sit oficial
• (fr) Sit oficial en francés
• (oc) D'unas explicacions en occitan

Suls autres projèctes Wikimèdia :

• Ubuntu, sus Wikimedia Commons