Ulfberht

Ulfberht es la transcripcion modèrna de l'inscripcion presenta sus un modèl d'espasa utilizat en Escandinàvia entre 800 e 1000^[1]. Per extension, aqueu mot es uei utilizat per designar aqueu tipe d'espasa que foguèt utilizat durant lo periòde Viking^[2]. Benlèu originària de la vau de Ren, l’ulfberht classica avián una longor de 90 cm (dont 80 cm per la lama), una massa de 1,2 kg e una garda de seccion carrada de 18 a 20 cm. Sembla marcar una etapa de transicion entre l'espasa vikinga tradicionala e leis espasas caracteristicas de la chivalariá medievala. Sa particularitat principala èra la qualitat superiora de l'acier utilizat per sa fabricacion. Aquò permetiá probablament d'atacar d'un biais pus eficaç lei còtas de malhas ò de sortir la lama d'un bloquier sensa la rompre. Pasmens, lo còst de l'arma deviá èsser important e donc son usatge reduch a un elèit guerrier ò aristocratic.

Fotografia de l'inscripcion caracteristica presenta sus la lama deis espasas Ulfberht.

Fotografia d'una reproduccion modèrna d'aqueu tipe d'espasa.

Liames intèrnes

• Espasa.
• Espasa vikinga.
• Viking.

Bibliografia

• (fr) Loïc Leymerégie, « L'Ulfberht, une épée d'exception en avance sur son temps », Guerres & Histoire, N°57,‎ octòbre de 2020, p. 70.