Vòlcas Tectosages

Los Vòlcas Tectosages, literalament "lo pòble que cèrca un teulat", son un pòple cèlta originari d'Euròpa Centrala, benlèu dels territòris de las actualas Boèmia e Moràvia^[1].

Localizacion dels Vòlcas.

Une partida s'installèt sus las nautors de la val de Garona al sègle III abC. Lor desplaçament cap al sud de Gàllia seriá ligat a las posibilitats dobèrtas pel mercenariat (donas de la part dels grècs, cartigeneses e romans).

Los Vòlcas Tectosages participèron a la « granda expedicion » de 280 abC. que los menèt en Anatolia ont los Tectosages formèron un dels tres grands pòbles dels Galatas. La tradicion ditz que los Vòlcas Tectosages de la region tolosana aurián participat a aquela granda expedicion. Aurián participat al pilhtage (plan segur imaginari) del santuari de Dèlfes e aurián tornat portar un butin que seriá a l'origina de l'aur de Tolosa. Aquel aur seriá estat maldich a causa de son origina sacrilèga.

Fonts istoricas

• Juli Cesar, Guèrra de las Gàllias, I-VIII.
• Diodòr de Sicília, Bibliotèca istorica, V.
• Estrabon, Geografia, IV.
• Plini lo Vièlh, Istòria naturala, III.
• Ptolemèu, Tractat de geografia, II.