Vau Naja

La Vau Naja^{[1][2][N 1][N 2]} o Vaunaja^{[3][4][5][6][7][N 3]}, mens probable Vau Nage^{[8][N 4]} o Vaunage^{[N 5]} (Vau-Nage en nòrma mistralenca^[9][10]; La Vaunage en francés) es la partida sud-oèst dau departament de Gardon, entre Nimes e Vidorle, una pron longa vau regada pel riu de Ròni^{[N 6]}, que se geta dins Vistre. Lo protestantisme impregnèt prigondament e durabla la populacion vaunajòla.

Primièra pagina del jornal L'Echo de la Vaunage et du Vistre (1891)

En 1891, espeliguèt un jornal, l'Écho de la Vaunage et du Vistre, que fasiá una plaça importanta a l'occitan. Sa vida, malastrosament, durèt pas qu'un an.

Lo gentilici es vaunajòu -òla^[11][8][12].

Geografia

Estrictament, sei nòu comunas son d'èst en oèst: Cavairac, Clarençac, L'Anglada, Sent Dionisi, Nage e Solòrgues, Cauviçon (d'ont dependon lei masatges de Cinsan (grafia de verificar) e de Bisac), Boissièiras, Sent Còsme e Maruèjols e Congènhas. Pus largament, lei vilatges d'Aigas Vivas, de Junaç, d'Oiargues, d'Aubais e de Vilavièlha son de còps considerats coma apertenent au meteis espaci culturau. Dins cèrts escrichs, es tanben considerada coma fasent part de la Vau Nage la comuna de Galargues.

Toponimia

Leis atestacions ancianas son, per luòc:

• Vau Naja - Vallis Anagia en 890; Via publica qui de Nemauso in Valle Anagia discurrit en 893; Vallis Anagia, in comitatum Nemausense en 895; Via qui de Valle Anagia in Litoraria discurrit en 923; In Valle Anagia, in territorio civitatis Nemausensis en 926; In vicaria Valle-Anagia en 931; Vallis Anagia en 962; In Valle-Anagia, in comitatu Nemausensis en 1001; In Valle que nuncupant Anagia, in comitatu Nemausense en 1531; Vallis Enagia en 1060; Valnajen en 1112; Valnagia en 1262; Terra Vaunatgii en 1310^[13].
  Segon Mistral, son nom ven de Naja, luòc d'un ancian oppidum gallés^[11], via latin tardiu Valnagia, dau latin Vallis Anagia^[9].

Veire tanben

Liames intèrnes

Liames extèrnes