Vistula

Vistula (en polonés: Wisła) es lo fluvi pus important de Polonha. A una longor de 1 047 km. Sa fònt se situa en Silèsia Auta e son escorrement va dau sud vèrs lo nòrd dau país. Seis afluents principaus son lei rius San, Bog e Narew.

Vistula (Weichsel)
Caracteristicas
Longor	1 047 km
Bacin	194 424 km2
Debit mejan	1 054 m3⋅s-1
Riu
Font	Schlesischen Beskiden
Embocadura	mar Baltica
Geografia
Païses traversats	Polonha
Vilas principalas	Cracòvia, Tarnobrzeg, Sandomierz, Varsòvia, Płock, Włocławek, Toruń, Bydgoszcz, Grudziądz, Malbork, Gdańsk

Vistula a donat son nom a un periòde glaciairi : la glaciacion de la Vistula (en alemand: Weichsel-Kaltzeit . Forma la frontièra istorica entre los pòbles eslaus e balts.

Geografia

La font se trapa dins los Beskides occidentals en nauta Silèsia a 1 106 m d'altitud. Percorís 1 047 km a travèrs la Polonha abans de se traire dins la mar Baltica près de Gdańsk. Lo debit annadièr mejan a la boca es de 1 054 m³/s.

Lo cors del flume pòt èstre devesit en tres seccions :

• lo cors superior, de la font a Sandomierz que i recep San, afluent de riba dreita ;
• lo cors mejan, de Sandomierz al jonhent amb Narew grossit de Bog, importants afluents de riba dreita ;
• lo cors inferior, del jonhent amb Narew a la boca per un dèlta dins la baia de Gdańsk. Lo dèlta de Vistula, a coneguèt d'importantas modificacions de son tracçat durant los tempses istorics.

Bacin versant

Loe bacin versant de Vistula s'estend sus 194 424 km², çò que representa mai de 60 % de Polonha e tota sa part orientala (lo restant del país es principalament drenat per Oder (en polonés Odra). Le punt mai naut d'aquel bacin es situat dins Tatras, a 2 663 m d'altitud, e son altitud mejan es de 270 m. Pasmens, 55 % de la superfícia se situa a d'altituds comprés entre 100 e 200 m e meme, 75 % entre 100 m e 300 m. Lo bacin es fòrça disimetric, sa pus granda part s'estend a l'èst del flume.